“Зајакнување на капацитетите на граѓанските организации и нивните капацитети во областа на потрошувачките права и обврски во процесите на креирање на водните политики и реформите на законската регулатива која ги третира водните политики“ е темата на дводневната работилница, на ЦЕД „Флорозон“ и Организација на потрошувачи, која ќе се започне денеска во 17 часот, во хотел ТЦЦ Гранд Плаза, во Скопје.
Работилницата е во рамките на проектот “Граѓаните активен партнер во реформите на политиките за вода“, и ќе биде предводена од страна на партнерските организации и експертски поддржан од предавач Татјана Тасевска.
На дводневната работилницата учество ќе земат претставници од граѓанскиот сектор од сите осум плански региони во Република Македонија кои беа предходно таргетирани и изразија интерес за учество во овој проект, како и претставници на клучни чинители во оваа област.
Проектот „Граѓаните активен партнер во реформите на политиките за вода “ има за цел да обезбеди компетентно и квалификувано застапување на интересите на граѓаните/потрошувачите во однос на прашањата поврзани со водните ресурси, нивната експлоатација и конечно формирање на цена на чинење, и е финансиран од страна на Европската Унија преку Секторот за централно финансирање и склучување на договори (ЦФЦД).
А.П.
