Хуманитарната организација Хјуман рајтс воч му порача на грчкиот парламент дека треба да ги укине одредбите во новиот предлог-закон, со кој се ограничува пристапот до заштита за барателите на азил.
Предлог-законот, за кој ќе се расправа во парламентот оваа недела, ќе ги намали заштитните мерки за барателите на азил од земји како Авганистан, Сирија и Ирак и ќе го олесни задржувањето на мигрантите на подолг период и ќе ги лиши ранливите луѓе, вклучително и децата без придружба, од неопходна заштита.
„Предлог-законот е обид да се блокира пристапот до заштита и да се зголемат депортациите пред неодамнешното зголемување на пристигнувањата“, рече Ева Косе, грчки истражувач во „Хјуман рајтс воч“.
Според нив, грчката влада наместо тоа треба да даде приоритет за решавање на хуманитарната криза
„Грчката влада наместо тоа треба да даде приоритет за решавање на хуманитарната криза, која ја предизвика со договорот со Турција и да обезбеди фер и ефикасна процедура за азил“.
Оттаму додаваат дека предлог-законот ќе го олесни притворањето на барателите на азил, на подолги периоди и дека со тоа би се одземале важни заштити за ранливите категории луѓе и ќе се воведат бројни процедурални промени што го попречуваат пристапот до фер процес на азил и го загрозуваат правото на жалба.
„Предлог-законот, исто така, воведува построги правила за прием на баратели на азил, го одложува пристапот до правото на работа, ја стеснува дефиницијата за семејството и наметнува повеќе товар на жртвите од тортура да бидат признаени како такви. Сложениот предлог-закон за 237 страници за „меѓународна заштита и други одредби“ беше воведен на 21 октомври 2019 година по избрзаниот шестдневен јавен консултативен период“, се вели во нивното соопштение.
Овој предлог-закон доаѓа во време на зголемени пристигнувања на грчките острови. Од почетокот на 2019 година, 53.462 баратели на азил стигнале до островите во Егејското Море од Турција, споредено со 42.010 за истиот период во 2018 година. Ситуацијата на грчките острови, каде 34.400 жени, мажи и деца се заробени во бездна состојба достигна кризна точка. Според воспоставената политика на ограничување од договорот во март 2016 година ЕУ-Турција, грчките власти ги ограничуваат барателите на азил на егејските острови сè додека не се одлучат за нивните барања за азил, што може да трае со месеци, па дури и со години.
Владата на Кирјакос Мицотакис, која стапи на должност во јуни, тврди дека цел на нацрт законот е да се поедностават долгите процедури за добивање азил и да се помогне процесот на депортација на одбиените баратели на азил.
А. Петровска
