Палестинската сунитско исламистичка политичка партија „Хамас“ и Израел се согласија за прекин на огнот, соопшти портпаролот на радикалната палестинска група, која го контролира Појасот Газа.
– Со напорите на Египет и на Обединетите нации, договорено е враќање во ерата на мир меѓу Израел и палестинските фракции, изјави портпаролот Фауси Бархум.
Вчера, вооружени Палестинци убија еден израелски војник на границата меѓу Газа и Израел, а Израел изведе десетици воздушни напади по должината на Појасот, при што загинаа четворица Палестинци, од кои тројца борци на Хамас. (МИА)
