„Секој ученик има различен начин на учење. Некој го претпочита старомодното чувство на вртење страници, а други пак сакаат дигитални уреди. Образовниот систем мора да ги почитува индивидуалните желби на ученикот. Печатените учебници мораат да бидат „вистински“ книги со корици, а не скрипти, а од друга страна до септември нема доволно време за целосна дигитализација“, изјави лидерот на унијата на средношколци Бленди Ходаи, на денешната прес конференција по повод најавата од МОН за дигитализација на учебниците.
„Ова е чуден и неприфатлив пристап за нас. МОН не е приватна компанија или приватен дом, туку државна институција. Ние сме дигитално неписмено население и не сме против, но сметаме дека е тежок процес за нашата земја. Увидовме дека многу ученици немаат пристап до такви уреди. Ако мислите дека можете да ги дискриминирате, грешите, затоа постоиме како сојуз. Ние сме земја со слаба дигитална мрежа. Не може нешто да биде обврзувачко за граѓаните, а тие да ги немаат средствата за да го исполнат барањето. Ние сме земја со слаба дигитална мрежа што ни покажа пандемијата и фијаското со настава од далечина. Ако се воведуваат дигитални ученици, апелираме софтверот да биде поквалитетен и да не падне првиот ден, како што се случи со националната платформа скулс.мк“, рече Ходаи.
Ходаи додаде дека печатењето на дигиталните ученици не смее да оди преку училиштата, каде ги нема соодветните ресурси, туку да биде централизирано и да го спроведува Министерството за образование.
Што се однесува до изјавата на министерката за образование Мила Царовска, за тоа дека на учениците не им е интересно во училиште, потсетувајќи ја на протестот организиран во 2020 година, кога главното мото на учениците беше „сакаме да учиме“ Ходаи одговори дека овој заклучок на министерката е паушален и опасен.
„Училиштата не се само објекти, туку места каде што се учи култура, се применува почит и социјализација. Изјавата колку и да звучи логична за некого, заклучокот на министерката не е само паушален, туку може да биде и опасен“, истакна Ходаи.