– Имаме договор! Со големо задоволство можам да соопштам дека главните преговарачи на Косово и Србија, со посредство на ЕУ, договорија мерки за избегнување на понатамошна ескалација со цел целосно да се концентрираат на предлогот за нормализација на нивните односи – напиша шефот на дипломатијата на ЕУ, Жозеп Борел. на Твитер, потврдувајќи дека Србија и Косово постигнаа договор и за пререгистрација на возилата.
We have a deal!
Very pleased to announce that Chief Negotiators of #Kosovo & #Serbia under EU-facilitation have agreed on measures to avoid further escalation and to fully concentrate on the proposal on normalisation of their relations.
— Josep Borrell Fontelles (@JosepBorrellF) November 23, 2022
Борел наведе дека Србија ќе престане да издава регистерски таблички со имиња на косовските градови, а Косово ќе запре со натамошна работа во врска со предрегистрација на возилата.
„Ќе ги повикам страните во наредните денови да разговараат на наредните чекори. Му се заблагодарувам на Мирослав Лајчак на напорната работа“, додаде тој.
И Лајчак им се заблагодари на преговарачите Петар Петковиќ и Бесник Бислими на конструктивноста. Тој на Твитер се заблагодари и на американската администрација на, како што наведе, непроценливата поддршка.
Состанокот со главните преговарачи на Косово и на Србија, Бислими и Петковиќ, траеше во Брисел повеќе од 6 часа.
И амбасадорот на Косово во Белгија, Агрон Бајрами исто така потврди дека е постигнат договор за регистарските таблички.
