Сите етникуми можат да коегзистират во земјава, покажа истражувањето „Етичкотo однесување на младите во мултикултурна средина“ чии резултати беа промовирани денеска, на Универзитетот на Југоисточна Европа (УЈИЕ) во Тетово.
-На прашањето „Дали сите етникуми можат да коегзистират во Македонија, мнозинство или 88,7 отсто имаале позитивно мислење додека 11,3 проценти имаат негативно. На прашањето „дали е етички да се ставаат различни прекари на припадници на другите етникуми и култури“, 79 отсто сметаат дека таквото поведение не е етичко, додека 21 процент сметаат поинаку, беше речено на презенацијата.
Пред присутните средношколци и студенти се обрати министерот за култура Хусни Исмаили кој ја истакна важноста на мултикултурализмот и на знаењето повеќе јазици.
-Јас сум учел на македонски јазик и се гордеам со тоа бидејќи многу добив. Научив многу затаа култура и стекнав многу приајтелите. Шаренилосто е богатсво, а не е мана на општеството. Тоа се вредности кои треба да ги негуваме. Вие младите се централната фигура на државата, образованието и сите општествени текови, рече министерот Хусни Исмаили.
Според ректорот на УЈИЕ, Абдулменаф Беџети, ваквиот проект има позитивно влијание.
-Ние како УЈИЕ сме уникатен модел на однесување во амбиенти на мултикултурно општество во регионот и Универзитетот е типичен модел за тоа, истакна Беџети.
Истражувањето го спроведе Институтот Макс ван дер Штул при УЈИЕ и со него се опфтени 300 луѓе, испитаници од Тетово и Гостивар.
