• Latest
Сефер Тахири (фото: Б. Јордановска / ЦИВИЛ)

Изборен двобој меѓу Курти и Рама

February 16, 2024

Унгарија е единствената членка на ЕУ што не ја поддржа изјавата со која се осудува рускиот напад врз Кијив

August 29, 2025

ДИК: 13 постапки за независни кандидати за градоначалници, во пет општини се собираат потписи за советници

August 29, 2025

24 ЧАСА: Обвинет таткото-насилник кој тепаше малолетни играчи; како ВМРО-ДПМНЕ ја разбира статистиката – експлозивна изјава на Бранимир Јовановиќ; алармантен рекорд на насилството врз новинарите во Србија; оружје за 825 милиони долари од САД за Украина

August 29, 2025
Фотографија: МИА архива

На болничко лекување остануваат уште тројца од повредените во пожарот во дискотеката „Пулс“

August 29, 2025

Поднесено обвинение за таткото кој повреди малолетни играчи од спортивниот тим на натпреварот во Штип

August 29, 2025
Фото: Скриншот од веб

Мониторинг на ЦИВИЛ: РИА Новости – координатор на руските дезинформации во земјава и регионот

August 29, 2025
Илустрација: ВИ

РЕАКЦИИ: Луксуз за функционерите, немаштија за граѓаните

August 29, 2025
Фото: Скриншот од видео на
CNA

Тајландската премиерка отстранета од функцијата по скандалот со протечениот телефонски разговор со поранешниот камбоџански премиер

August 29, 2025
Фото: Украинска амбасадорка Лариса Дир/Х

Амбасадорката Дир: Денот на сеќавање на бранителите и бранителките на Украина, им оддаваме почит на сите што го дадоа својот живот– тоа е болка што потсетува на страшната цена на слободата

August 29, 2025
Фото: Wikimedia commons

Стејт департментот одобри продажба на оружје на Украина во вредност од 825 милиони долари

August 29, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home АНАЛИЗИ

Изборен двобој меѓу Курти и Рама

February 16, 2024 12:38
in АНАЛИЗИ, ИЗБОРИ, ПОЛИТИКА, ПОЛИТИЧКИ ОКЕЈ КОРАЛ, СЛОБОДНА ЗОНА, ТОП 5
Сефер Тахири (фото: Б. Јордановска / ЦИВИЛ)

Сефер Тахири (фото: Б. Јордановска / ЦИВИЛ)

Share on FacebookShare on Twitter
  • На следните избори освен ДУИ и Европското движење за промени (ЕДП), ќе се соочуваат и премиерите на двете држави во кои живеат Албанците
  • Курти со сите сили се залага за победа на албанската опозиција, а ДУИ ја има поддршката на косовската опозиција и на албанскиот премиер, Еди Рама
  • Во 2012 година во Скопје дојдоа Бериша и Тачи. Груевски тогаш како премиер, а ВМРО-ДПМНЕ како партија на власт молчеа на сметка на ДУИ. Сега молчат и за Курти, на сметка на албанската опозиција

СЕФЕР ТАХИРИ

На една конференција реков дека колегите новинари, уредници и аналитичари се запознаени прилично добро што се случува во албанскиот политички блок, но некогаш остануваат непримени одредени пораки кои се соопштуваат, а во македонскиот јавен простор не се објавуваат или не добиваат јавен третман поради јазичните бариери.

Кампањата веќе е започната и тоа со жесток интензитет. А ова е само почетокот!

Во албанскиот блок на следните избори ќе се соочат, можеби за прв пат, два блока, кои имаат речиси идентични политички и кадровски потенцијали. Финансиски секако не, бидејќи ДУИ во овој сегмент е недостижна. 20 години на власт не се малку!

Кај македонската јавност стигнуваат тек-тук информации, но треба да се знае дека на следните избори, освен ДУИ и Европското движење за промени (ЕДП), ќе се соочуваат и премиерите на двете држави во кои живеат Албанците.

Косовскиот премиер, Албин Курти отишол чекор подалеку од вообичаениот патернализам, кој доаѓа од Приштина. Со сите сили и расположливи средства е вклучен во предизборниот процес и се залага за победа на ЕДП, а дел од коалицијата и порано имаше одлични релации и кога Курти беше во опозиција. Во август минатата година беше во посета во земјата и држеше говори во собири во Чаир и Тетово, предводени од опозицијата.

ДУИ ја има поддршката на косовската опозиција и на албанскиот премиер, Еди Рама.

Борбата меѓу Рама и Курти е евидентна. Двајцата сакаат да се наметнуваат како албански лидери во регионот. Двајцата се политички суетни и тешко го прифаќаат поразот. А двајцата истовремено не може да победуваат!

Инаку, односите меѓу Рама и Курти се студени откако косовскиот лидер ја отфрли идејата за размена на територии меѓу Косово и Србија, стара од 2009 година, а актуелизирана во 2020 година, според која дел од Северно Косово би се присоединил со Србија, а со Косово дел од Јужна Србија: Прешево, Медвеѓе и Бујановац односно Прешевската Долина. Оваа идеја беше поддржана од поранешниот претседател на Косово, Хашим Тачи, кој е во Хаг, а и од Еди Рама. Курти и Рама имаа и длабоки несогласувања околу идејата за Отворен Балкан, која Косово ја бојкотираше. ДУИ застана зад идејата за Отворен Балкан, подржана од Рама, Вучиќ и Заев (Ковачевски), а албанската опозиција во Северна Македонија остро се спротивстави.

За да дојдеме до 2024, во која се чудиме за влијанието на Курти и Рама еве неколку современи историски факти.

Во минатото, сè до 2013 година поддршката на Социјалистичката партија на Албанија, како историски продолжеток на Партијата на трудот (Комунистичката партија на Албанија) на Енвер Хоџа, значеше губење на гласови во албанскиот кампус. Кон сè што е социјалистичко, макар да е и албанско од 1990 до 2013 година, имаше страшен отпор. Албанците од 90-те години имаа преголеми симпатии кон десната Демократска партија и нејзиниот историски лидер, Сали Бериша.

Токму партијата на Бериша придонесе кон расцепкување на Партијата за демократски просперитет (ПДП), која во 90-те години се доживуваше како народно движење. Таков беше коментарот на државната Албанска телеграфска агенција (АТА) во декември, 1993 година, која ја најави и на некој начин ја запечати поделбата на оваа голема партија на два нови субјекти.

АТА велеше дека „Во последно време македонски властодршци употребуваат средства за притисок, уцена и насилство кон Албанците, за да на чело на оваа политичка сила држат дискредитирачки елементи, кои биле алка во аферата на оружјето, организирана од тајните служби на Југословенската народна армија (ЈНА), како и во затворањето на невини луѓе во Македонија“.

По овој коментар, на сцена излезе Партијата за демократски просперитет на Албанците (ПДПА), која подоцна, во 1997 г. ќе се брендира во Демократска партија на Албанците (ДПА).

Од друга страна, вмешувањето на политичките партии од Косово во предизборниот процес се случува во континуитет од 1991, а особено по 1999 година, кога Косово се ослободи од Србија.

Во периодот 1991-999 година, ПДП имаше добри односи до Демократскиот сојуз на Косово на Ибрахим Ругова и беше дел од Советот на албанските партии во поранешна Југославија.

Од 1998 до 2002 година, ДПА на Арбен Џафери беше во одлични односи до Демократската партија на Косово (ДПК) на Хашим Тачи. Џафери беше истовремено и идеолог и креатор на профилот на политичкото крило на поранешната Ослободителна војска на Косово (ОВК), ДПК. Џафери е доказ за влијанието на нашата албанската елита врз косовската политика.

По војната во 2001 година, ДУИ воспостави одлични релации со ДПК, хомолошката партија на Косовo, произлезена од поранешната Ослободителна војска на Косово (ОВК), а ДПА како пандан имаше добри релации со Алијанса за иднината на Косово (AИК) на Рамуш Харадинај, исто така важен фактор во ОВК. Од 2006 година наваму, ДУИ ги задржала одличните релации со ДПК.

Во 2012 година, на 100 годишнината на албанската држава во Скопје дојдоа поранешниот премиер на Албанија, Сали Бериша и поранешниот претседател на Косово, Хашим Тачи и порачаа дека тие ќе бидат „гардиани“ (чувари) на Албанците во земјата. На собирот заедно со нив се обрати и Али Ахмети, претставуван како лидер на Албанците во земјата. Груевски тогаш како премиер, а ВМРО-ДПМНЕ како партија на власт, молчеа на сметка на партнерот ДУИ. Сега прагматично молчат и за Курти, на сметка на албанската опозиција.


Проф. д-р Сефер Тахири е универзитетски професор. 


Текстот е личен став на Авторот. Специјално за ЦИВИЛ.
Print Friendly, PDF & Email
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    122 shares
    Share 49 Tweet 31
  • Разрешени и избрани нови членови на општински изборни комисии за Локалните избори 2025

    98 shares
    Share 39 Tweet 25
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • 24 ЧАСА: Обвинет таткото-насилник кој тепаше малолетни играчи; како ВМРО-ДПМНЕ ја разбира статистиката – експлозивна изјава на Бранимир Јовановиќ; алармантен рекорд на насилството врз новинарите во Србија; оружје за 825 милиони долари од САД за Украина

    91 shares
    Share 36 Tweet 23
  • Јагода и вестите

    90 shares
    Share 36 Tweet 23
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ