• Latest

ИЗБОРНА ХРОНИКА: Предизборни повици и одбивања за коалиции, закани, ултранационалистички пораки, национално единство

April 29, 2024

Лукоил ја прифати понудата на Ганвор Груп за купување на меѓународните средства, ќе добие ли македонската подружница нов газда?

October 30, 2025
Фото: Град Скопје

Арсовска го назначи Александар Јовановски за нов в.д. директор на Комунална хигиена – Скопје

October 30, 2025

ДЕМОКРАТСКИ НАВИГАТОР ВО ТЕТОВО: Од локални гласови до заедничка иднина

October 30, 2025
Тепање на руски војник со повикувачки знак „Фикса“ од 80-тиот тенковски полк на 90-та тенковска дивизија на Централната група. Фотографија: Скриншот од видео разговор со роднини/Верстка

Руските армиски началници мачат и егзекутираат војници кои одбиваат да се борат во Украина, открива истрагата на независниот медиум Верстка

October 30, 2025

Словенечкиот проблем: Кога стравот станува политика

October 30, 2025

Нема втор круг! Изборите во Гостивар, Врапчиште, Маврово и Центар Жупа пропаднаа – ќе се распишат нови!

October 30, 2025
Скриншот од видео на CNN-News18

„Ова беше колеж, а не операција“- фавелата се тресе од најсмртоносниот полициски напад во Рио

October 30, 2025
Фотографија: Скриншот

Аналитичари за укинувањето на санкциите за Додик -„возвратена услуга“ за повлекувањето од функцијата претседател на РС, аналитичарите за укинувањето на санкциите за Додик

October 30, 2025

Нов фронт меѓу Албанците: Таравари и Села се борат за печат, а електоратот бега и апстинира!

October 30, 2025
Скриншот од видео на Firstpost

„Убиваа цивили во нивните кревети“- хаос и бруталност владеат во Судан по падот на Ел Фашер

October 30, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ПОЛИТИКА ПОЛИТИЧКИ ОКЕЈ КОРАЛ

ИЗБОРНА ХРОНИКА: Предизборни повици и одбивања за коалиции, закани, ултранационалистички пораки, национално единство

April 29, 2024 16:37
in ИЗБОРИ, ПОЛИТИКА, ПОЛИТИЧКИ ОКЕЈ КОРАЛ, ТОП 5
Share on FacebookShare on Twitter

Помина првиот круг од претседателските избори, на кој отпаднаа пет кандидати, а во вториот круг ќе се натпреваруваат кандидатите Гордана Силјановска Давкова, поддржана од ВМРО – ДПМНЕ, и актуелниот претседател на државата и кандидат за втор мандат, Стево Пендаровски, поддржан од СДСМ и коалицијата.

Два дена пред претседателските избори започна и официјалната кампања за парламентарните избори, која создаде збунувачки ефект кај граѓаните и во дел од медиумите, поради изборниот молк за претседателските. Предизборен молк за парламентарните избори – немаше, важеше само за претседателските.

Парламентарни избори

СДСМ и коалицијата „За европска иднина“

Претседателот на Социјалдемократскиот сојуз, Димитар Ковачевски, на синоќешниот митинг во Крушево порача дека ако идејата за независна македонска држава првпат била реализирана во Крушево, тогаш и идејата за Европска Македонија ќе почне токму од таму благодарение на Македонци, Власи и сите други заедници кои живеат во нашата држава.

– Замислете асномците при првата пречка да се откажеле од својата идеја за македонска држава. Замислете нашите претходници во 90-тите да се откажеа од идејата за независна Македонија. Тоа би било исто како ние да се откажеме од идејата за нашата цел, за европска Македонија, рече Ковачевски.

ВМРО ДПМНЕ

Претседателот на ВМРО-ДПМНЕ Христијан Мицкоски синоќа  од митингот во Битола повика на масовно гласање на 8 мај и изјави дека неговата партија партнерот за формирање влада ќе го бара во албанската опозиција, во партиите со кои ќе споделуваат исти вредности и принципи, а за ДУИ, потенцираше дека е време за опозиција и за одговорност.

Мицкоски упати порака до ДУИ да не му праќаат „емисари“ и „курири“ за да размислел за коалиција после изборите.

„Јас на Гугл мапс ја најдов Мала Речица, но ќе видиме понатаму како ќе функционираат тие гугл мапс и дали ќе биде Идризово можеби дестинацијата којашто тие ќе ја бараат, изјави лидерот на ВМРО-ДПМНЕ, Христијан Мицкоски за ТВ 21. Тој посочи дека идната влада ќе ја направи со коалицијата ВЛЕН.

ДУИ  и коалицијата „Европски фронт“

Лидерот на Демократската унија за интеграција, Али Ахмети, на синоќешниот собир во Дебар порача дека заедно мора да градиме мир, стабилност, иднина и да воспоставиме европски стандарди и да се бориме против криминалот и корупцијата.

На средбата со граѓани во Дебар, Ахмети порачал дека Македонија има свое место во Европа.

– Оваа земја има свое место во Европа и за оваа земја мора да работиме заедно, Македонци и Албанци, а не да се враќаме во минатото и да се огорчуваме затоа што викав УЧК, но УЧК е албанска гордост и УЧК ја спаси Македонија, порача Ахмети.

Ахмети додава дека формирал фронт со албанските политички партии кој ги вклучил сите заедници.

ВЛЕН

Претседателот на Демократско движење, Изет Меџити во изјава за медиумите денеска истакна дека нивната коалиција „ВЛЕН“, не сака по секоја цена да бидат дел од некоја влада која нема да биде европски настроена. Според Меџити, антиевропска агенда имаат само Левица.

-Ние не сакаме да бидеме по секоја цена од некоја влада која нема да биде европски настроена. Значи, не со било кој. Цениме дека таква партија е само Левица, која е антиевропски настроена и со нив не би сакале да сме во иста влада. Другите партии, кој повеќе – кој малку се европски настроени. Наш приоритет е европската интеграција, рече Меџити по средбата со граѓаните во Старата скопска чаршија.

АВАЈА

Ромската заедница во Македонија најмногу ја болат дискриминацијата, отсуството на соодветна инфраструктура во ромските маала, отсуството на инвестиции во образованието и во вработувањето, порача носителот на листата на Изборна единица 3, Идриз Зејнелов на вчерашната средба со жителите на Штип.

Аваја, 28 април, Штип

„Тука сум да го претставам интересот на ромскиот народ, на народот кој што ја споделува истата идеја како и ние. Без Вас нема да може да го направиме тоа, но со Вас заедно ќе ги направиме промените кои ги сакаме. Затоа што имаме план кој што јасно го изложуваме пред Вас. Ние нема да престанеме да работиме додека не го промените овој статус. Јас овие години докажав дека сум со Вас во секој момент, а од сега натаму ветувам дека ќе ја направиме промената“, порача Зејнелов.

ЗНАМ

Во изјавата за медиумите претседателот на Движењето Знам,  Максим Димитриевски од караванот во Охрид, рече дека разговараат со граѓаните на различни теми што се од нивен интерес.

„Дефинитивно се потврдува тоа што го кажаа граѓаните во првиот круг на изборите за претседател на државата, дека се роди нова политичка сила во Македонија и повеќе од јасно е дека никогаш нештата повеќе нема да бидат исти во државата. Граѓаните го имаат ЗНАМ, ЗНАМ ги има граѓаните“.

Тој посочи дека како мал политички субјект, со многу мал број на членови, успеале да освојат голем број на гласови.

ЛЕВИЦА

Левица  денеска излезе со соопштение во кое  бараат во договор со „ДПМНЕ“ и сите македонски партии да се запрат уцените на необалистичките партии од албанското малцинство.

„Ја објавуваме јавната понуда на Левица за потпишување Македонска платформа во ПЕТ ТОЧКИ од страна на сите промакедонски политички партии, со цел утврдување национален консензус заради превенција од постојните уцени при составување Влада, кои доаѓаат од партиите на албанското малцинство (потписници на т.н. Тиранска платформа) – а со единствена цел да се запре понатамошното разградување на Република Македонија и нејзино претворање во полупротекторат:“, се наведува во соопштението објавено на Фејсбук.

ПРЕТСЕДАТЕЛСКИ ИЗБОРИ

Државната изборна комисија (ДИК) денеска на седница одлучи да не го прифати приговорот за гласањето на првиот круг од претседателските избори на 24 април на коалицијата Вреди за гласачкото место 1112/1 во Општина Липково.

Стево Пендаровски

„Од страна на опозицијата претстои опасност, Македонија да се враќа назад, а таа опасност е уште пореална, затоа што гледаме дека се здружуваат луѓе кои имаат други планови за државата. Не зборувам за нова војна, зборувам за квалитет на живот. За жал, овие што сега сакаат да дојдат на власт, се истите од пред седум – осум години, а сите знаете дека во тој случај, шанси за вработување шанси за напредување во кариерите ќе има само за нивни членови, посочи кандидатот за претседател, Стево Пендаровски на вчерашната средба со граѓани на Велебрдо.

Кандидат за претседател на РСМ, Стево Пендаровски

Гордана Силјановска Давкова

„Она што се случи со другите што сè уште се на власт ние го нарекуваме: власт на заминување, делегитимирана власт, однародена власт. Резултатот 2:1 јасно покажува кому му верувате и со кого сте, тоа нас нè охрабрува и затоа сигурна сум дека ќе бидете со нас и до нас и на 8 мај. Без вас не ни вреди никаква власт!“, изјави кандидатката за претседателка на државата, Гордана Силјановска Давкова.

ПОЛИТИЧКИ ОКЕЈ КОРАЛ

Лидерите на ВМРО-ДПМНЕ Христијан Мицкоски и на ДУИ Али Ахмети на десетина дена пред парламентарните избори и вториот круг од претседателски избори, продолжуваат со политичките препукувања.

Почнувајќи од реториката на Мицкоски, која во рамките на кампањата на кандидатката за претседател на државата поддржана од нив и коалицијата, Гордана Силјановска-Давкова, како и на промотивните митинзи за парламентарните избори ја критикува Демократската унија за интеграција полн со обвинувања на нејзините највисоки партиски и државни функционери, за криминал и корупција, прочитајте во политичкиот океј корал „Се наѕира ли криза уште пред да се оддржат изборите? – Политички пресметки како во 2006 година“.

ГРАЃАНСКА АКЦИЈА – Ти одлучуваш. Гласај!

„ Секогаш е подобро да се гласа отколку да се седи дома, бидејќи со вашиот глас за кого и да го дадете, сепак влијаете врз тоа каква власт утре ќе ве владее“, вели политичкиот аналитичар Сашо Орданоски, во интервјуто за Иницијативата „Ти одлучуваш. Гласај!“.

Подготви: Дијана Тахири во соработка со ЦМТ

 

 

 

 

Print Friendly, PDF & Email
Share33Tweet21Send

НАЈЧИТАНИ 5

  • Деца и училишни ресурси како алатка за кампања во Пробиштип!

    137 shares
    Share 55 Tweet 34
  • Лукоил ја прифати понудата на Ганвор Груп за купување на меѓународните средства, ќе добие ли македонската подружница нов газда?

    116 shares
    Share 46 Tweet 29
  • Лукоил ги продава своите филијали во странство по санкциите на САД, македонската подружница сé уште молчи за прашањата на ЦИВИЛ

    112 shares
    Share 45 Tweet 28
  • Изборите и коалицијата: ВЛЕН му го залула чунот на Мицкоски

    110 shares
    Share 44 Tweet 28
  • Косовски пратеник удри граѓанин со бокс оти го нарече „лажго“ – инцидент во центарот на Приштина!

    103 shares
    Share 41 Tweet 26
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ