Завршната конференција „Има ли шанси отвореното општество во Македонија?“ организирана во рамките на програмата за одбележување на 25-годишнината од основањето на Фондацијата Отворено општество – Македонија (ФООМ) ќе почне денеска во Скопје, а ќе трае и утре.
На отворањето на конференцијата денеска ќе се обратат претседателката на Управниот одбор на ФООМ, Маја Бојаџиевска, претседателот на Фондациите Отворено општество, Патрик Гаспар и претседателот на Владата на Република Македонија Зоран Заев.
Дел од темите на конференцијата се однесуваат на глобалните закани и предизвици за вредностите на отвореното општество, можните стратегии за зачувување на демократските стандарди, политичката култура во Македонија, состојбата со човековите права и слободи во земјава, транспарентност и отчетност на институциите во Македонија. (МИА)
