• Latest
Фото: Полско претседателство со ЕУ / МИА

Кошта: За да обезбедиме мир во Европа треба да ја зајакнеме европската безбедност, Украина мора да остане наш главен приоритет

January 5, 2025

Косовските пратеници ниту по 28-ми пат не успеаа да формираат парламентарен состав

June 7, 2025

Владата отвора директна телефонска линија за барањата и потребите на повредените во пожарот во Кочани

June 7, 2025

Во Газа Курбан Бајрам се одбележа под урнатини, без храна и под Израелски напад во кој загинаа 42 лица

June 7, 2025

Трамп го повика Врховниот суд да дозволи масовни отпуштања во Министерството за образование

June 7, 2025
По Дејтонскиот договор - кантонизација на БиХ

Пирс: Во Босна и Херцеговина, оружјето секогаш ѕвечка и тоа треба внимателно да се следи, Додик отиде во спротивна насока

June 7, 2025
Харкив, 25 мај 2024

РУСКИ РАКЕТЕН ТЕРОР: Најголем руски напад со дронови го погоди Харкив, најмалку три лица загинати меѓу кои и новороденче

June 7, 2025
Пожар што избувна по нападот со руски дрон во предградието на Харкив, Украина, преку ноќ на 26 мај 2025 година. Фото: Државна служба за вонредни ситуации

Масовен руски напад врз Украина неколку дена по нападите на воздушните бази

June 7, 2025

ЕУ не исклучува можност за одложување на спроведувањето на делови од Законот за вештачка интелигенција

June 6, 2025
Фото: Креирано со помош на ВИ

Москва е подготвена да му даде азил на Маск ако затреба поради расправијата со Трамп

June 6, 2025
Фото: МИА

Кошта посочи дека ЕУ ќе го казни Израел за војната во Појасот Газа

June 6, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ВЕСТИ

Кошта: За да обезбедиме мир во Европа треба да ја зајакнеме европската безбедност, Украина мора да остане наш главен приоритет

January 5, 2025 10:02
in ВЕСТИ, ИЗЈАВИ, ПОЛИТИКА, СВЕТ
Фото: Полско претседателство со ЕУ / МИА

Фото: Полско претседателство со ЕУ / МИА

Share on FacebookShare on Twitter

Европската Унија се роди како проект за мир по Втората светска војна и затоа уште еднаш треба да ја зајакнеме европската безбедност за да обезбедиме мир во Европа, во прилог на што оди и мотото на полското претседателство со ЕУ – „Безбедност, Европа!“, порача синоќа претседателот на Европскиот совет, Антонио Кошта на свеченоста во Варшава по повод преземањето на претседавањето со Европската Унија од страна на Полска, пренесува МИА.

– Затоа, Украина мора да остане наш главен приоритет. Оваа година мора да продолжиме да стоиме крај Украина – колку што е потребно и онолку долго колку што е потребно, за да се обезбеди сеопфатен, праведен и траен мир. Мора да надвладее меѓународното право, за слободата на украинскиот народ и за нашата заедничка безбедност, рече Кошта.

Токму затоа, според него, ЕУ мора да продолжи да ја гледа одбраната како свој стратешки приоритет и да стане посилна, поефикасна, поотпорни и поавтономна.

– Со заедничко вложување, повеќе и подобро, со креативност и прагматизам за изнаоѓање нови решенија, секогаш работиме за силно трансатлантско партнерство и соработка со НАТО, рече Кошта, додавајќи дека токму поради ова за почетокот на февруари свикал неформален Самит на ЕУ посветен на одбраната, на кој се поканети и генералниот секретар на НАТО, Марк Руте и британскиот премиер Кир Стармер.

Според Кошта, нови инвестиции во одбраната и безбедноста може да го претворат овој сектор во вистински економски мотор на ЕУ, создавајќи подобри и поквалификувани работни места, развивајќи поавтономна европска индустрија и технолошки шампиони за постигнувањето на глобална конкурентност.

Кошта нагласи дека одбраната е клучна за сегашноста и иднината на Европа, но таа е само една компонента од европската безбедносна архитектура, поради што ЕУ мора да ги зајакне својата отпорност во соочување со природни катастрофи, својата гранична безбедност за справување со миграциските предизвици, да одговори на хибридните закани и напади, да ги подобри енергетската инфраструктура и безбедноста на храната и да ја намали зависноста од увозот на технологии и суровини.

– Ова е начин да се постигне сеопфатна стратешка европска автономија и европските демократии да се направат поотпорни, кохезивни и колективно помоќни за справување со предизвиците на глобализацијата, затоа што просперитетот и безбедноста одат рака под рака, истакна Кошта.

Тој додаде дека за напредок на европските економии потребно е обезбедување енергетска независност на ЕУ, диверзификација на изворите на енергија и намалување на цените на енергенсите за индустријата, компаниите и семејствата.

– Цените на енергијата се централна компонента на целокупниот фокус на европската конкурентност. Мора да видиме вистински напредок на ова поле, истакна Кошта, додавајќи дека ЕУ мора да најде „креативни решенија за подобрување на конкурентноста и социјалната и регионалната конвергенција за поживописен единствен пазар“.

Кошта се осврна и на усвојувањето на Повеќегодишната буџетска рамка на ЕУ за по 2027 година, која, како што рече, ќе треба да обезбеди помоќни алатки за соочување со геополитичките предизвици и глобалната економска конкуренција и за промоција на социјалната и територијалната кохезија во рамките на Унијата.

Тој нагласи дека Полска е извор на издржливост во време кога авторитаризмот и популизмот ги загрозуваат европските вредности, кога странското мешање го загрозува демократскиот интегритет на ЕУ и кога Унијата треба да ги зајакне своите одбранбени капацитети за да ги заштити своите членки, општества и вредности.

– Нашата заедничка визија за Европа се заснова на истите вредности, истите принципи, истата стратешка цел: да се зајакнат единството на земјите членки, ефективноста на европските институции и просперитетот на европските граѓани, нагласи Кошта.

Според Кошта, токму Полска е дефинитивно една од најуспешните приказни на проширувањето, најдобрата геостратешка инвестиција што Европа ја направи за да ги гарантира слободата и демократијата по долги периоди на тоталитаризам.

– Не се сомневам дека полското претседавање со Советот на Европската унија ќе докаже уште еднаш дека патриотизмот и европската интеграција се меѓусебно поврзани и дека ротирачките претседателства ја зачувуваат улогата на земјите членки како движечки сили на стратешката агенда на Европската Унија, додаде Кошта.

Претседателот на Европскиот совет потенцира дека политиката е околу и за луѓето, па затоа најважно е како националните и европските политики го подобруваат секојдневниот живот на луѓето.

– Ова е значењето на Европската Унија. И ова е, верувам, целта на полското претседателство. Можете да сметате на мене, бидејќи верувам дека ја делиме истата стратешка визија за Европската Унија. Фокусирани на единството на земјите членки, посветени на безбедноста и просперитетот на европските граѓани и вкотвени во европските вредности кои историјата не научи да ги штитиме, заклучи Кошта.

На свеченоста се обрати и полскиот премиер Доналд Туск, кој нагласи дека Европа има среќа затоа што во овој многу предизвикувачки момент од нејзината историја, Полска ќе ја има мисијата да претседава со Унијата.

– Ние во Полска добро знаеме дека во себе мора да најдеме сила, верба и надеж. Мораме повторно да го откриеме значењето на слободата и суштината на она што Европа навистина го претставува, рече Туск.

Тој нагласи дека во следните шест месеци за време на претседавањето со ЕУ, Полска ќе се фокусира на најважните прашања за Унијата – безбедноста, конкурентноста и иновациите.

– Имагинацијата, храброста и силното лидерство се изворите на нашата сила, порача Туск.

Свеченоста по повод стартот на полското претседателство со ЕУ, што се одржа во Полската национална опера, продолжи со гала концерт под диригентската палка на Раджимир Дебски – Јимек, кој специјално за оваа пригода компонираше музичко дело инспирирано од полската класична музика.

Со ова композиција, која беше изведена на свеченоста, Јимек им оддаде почит на најголемите полски композитори, истакнувајќи ја убавината и богатството на културното наследство на Полска.

Print Friendly, PDF & Email
Tags: полско претседателство со ЕУПретседателот на Европскиот совет Антонио Кошта
Share33Tweet21Send

НАЈЧИТАНИ 5

  • Бранимир Јовановиќ за ЦИВИЛ МЕДИА: Македонија навистина е четврто место во Европа по економски развој – ама од позади!

    105 shares
    Share 42 Tweet 26
  • Осумнаесетгодишниот син на Блерим Беџети од ДУИ примил 12.000 евра од Комунална хигиена – Скопје за „интелектуални услуги и совети“ за заштита на животната средина

    96 shares
    Share 38 Tweet 24
  • Украинските дронови погодија над 40 руски стратешки бомбардери во шокантен напад далеку зад линиите на фронтот

    94 shares
    Share 38 Tweet 24
  • Поранешниот командант на ОВК, Бреза, уапсен по 22 години бегство

    92 shares
    Share 37 Tweet 23
  • РЕАКЦИИ: „Ако не влеземе во ЕУ, Коридорите 8 и 10 никогаш нема да се завршат“; „Ако му одговара на НАТО, со Британците ќе се завршат и Коридорите“

    88 shares
    Share 35 Tweet 22

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ