Лидерите на Европската унија апелираа до администрацијата во заминување на претседателот Џозеф Бајден да ја зголеми американската поддршка за Украина со цел што е можно повеќе да ја зајакне позицијата на Киев пред крајот на претседателскиот мандат во јануари, пишува „Блумберг“, повикувајќи се на извори.
Според медиумот, Трамп, кој ќе ја преземе функцијата на 20 јануари, изјавил дека ќе се заложи за договор меѓу Киев и Москва што е можно поскоро, што предизвика загриженост во Европа дека таквиот договор би бил неповолен за Украина и на крајот може да се консолидира придобивките што ги постигна Русија од почетокот на конфликтот во 2022 година.
Европските власти побараа од САД да и дадат на Украина повеќе оружје и артилерија, да воведат дополнителни санкции за клучните руски приходи и да ја таргетираат „способноста на Москва да се здобие со забранети технологии што се користат во производството на оружје“, наведоа извори „запознаени“ со тоа прашање.
Многу европски барања беа од неформален карактер, наведува „Блумберг“, пренесе МИА
