CivilFest
Categories

ГРАЃАНСКИ ОБЈЕКТИВ Локомотива удри во одрон

Денес во 08:20 часот во месноста на Долни дукани во Велес, при самиот влез на Тополка во Вардар се одрони карпата од десната страна којашто беше надвисната над самиот пат. За дел од секунда еден велешанец не завршил под одронатите грамади карпи, додека локомотивата за одржување на железничката пруга денес удри во одронот, но без посериозни последици.

„Ова се очекуваше одамна, но ажурноста на институциите одговорни за безбедност на патишта повторно потфрли. Ако одредени лица од Македонија пат секојдневно контролираат по патиштата, вакви трагедии ќе бидат избегнати. Порано, пред 25 години, вработени во Македонија пат крстосуваа низ патиштата и демнеа и санираа вакви проблеми по патиштата ширум Македонија. Минатата недела на ова место имаше одрони од ситни камења, ако надлежните беа на терен ќе увиделе и ќе ја предвиделе „несреќата“, вели граѓанскиот новинар Ване Михајловски.

Тој додава дека на само 100 метри од несреќата под „Света недела“ на брегот од Вардар има четири фамилии кои живеат таму, а пред самата несреќа, децата поминале под карпите за да одат на училиште. Патниот правец Велес – Гевгелија е затворен. 

„Спиете ли мирно заспани институции од локална самоуправа. Ќе има ли повикување на одговорност, ќе има ли оставки?“, прашува Михајловски.

Тој додава дека на истото место има друга карпа која мора да се минира за да не дојде до несакани последици.

Print Friendly, PDF & Email