Лукашенко потпиша закон за поддршка на блокчеин и криптовалути

Претседателот на Белорусија, Александар Лукашенко потпиша закон за државна поддршка на блокчеин и криптовалути.

Според новиот закон, сите трансакции и приходи од криптовалути се ослободени од плаќање данок за следните пет години.

Лукашенко со тоа постави рамки на таканаречениот „развој на дигиталната економија“ на Белорусија.

Целта на законодавството е отстранување на бирократијата која би можела потенцијално да пречи на имплементација на блокчеинот и дава зелено светло за размена на криптовалути.

Покрај тоа, белорускиот „ХТП“ – технолошки рај, кој го креираше Лукашенко во стилот на Силиконската долина, ќе има привилегии да привлекува средства по пат на ICO и да користи криптовалути при циркулирање на трансакциите на населението.

Лукашенко појасни дека основна цел е глобалните ИТ компании да дојдат во Белорусија и да отворат свои канцеларии, развојни центри и да креираат популарни светски дигитални производи.

извор: МИА

Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.