По одредениот 30-дневен притвор, рускиот опозициски лидер Алексеј Навални повика на масовни протести, а како одговор изутринава протестите започнаа утрово најпрво во Хабаровск, на кој беа приведени десетици учесници, јавуваат светските новински агенции.
Повеќе од 350 лица, пак, беа приведени на протести во други градови на Далечниот исток и Сибир, а веќе се почнати протестите и во Москва, Санкт Петербург и други градови во европскиот дел на земјата. Полицијата уште во старт при собирањето на демонстрантите на плоштадот „Пушкин“ во Москва веќе почнала со апсењата.
Меѓу уапсените е и Јулија Навални, сопругата на рускиот опозициски лидер Алексеј Навални, која на Истаграм објави фотографија од нејзиното приведување: Извинете за лошиот квалитет. Многу е слаба светлината во полициското комбе, напиша таа на Инстаграм покрај фотографијата.
Во вчерашниот телефонски разговор со рускиот претседател Владимир Путин, претседателот на Европскиот совет, Шарл Мишел повика на итно ослободување на опозицискиот лидер Алексеј Навални.
In my call with president Putin @KremlinRussia_E today I reiterated #EU is united in its condemnation of Alexey #Navalny’s detention and calls for his immediate release.
Russia must urgently proceed with full and transparent investigation into the assassination attempt on him. pic.twitter.com/gPmhd0TB4o
— Charles Michel (@eucopresident) January 22, 2021
„ …ЕУ е обединета во осудата за притворот на Алексеј Навални и повикува на итно ослободување. Русија мора итно да продолжи со целосна и транспарентна истрага за обидот за атентат врз него“, напиша Мишел на Твитер.
