Британската премиерка Тереза Меј смета дека сега не е време за втор референдум за шкотска независност, изјави денеска нејзин портпарол.
– Сега не е време за уште еден референдум и се нема желба за тоа, додаде тој.
Шкотската премиерка Никола Старџен изјави вчера дека повторно ќе биде разгледано уште едно гласање за независност на Шкотска кога британската Влада ќе понуди сигурност околу Брегзит. Таа минатата недела рече дека кога ќе биде јасен обликот на договорот за Брегзит меѓу Британија и ЕУ, тогаш ќе биде подготвена за повеќе детали за ставот на Шкотска за ново гласање за независност.
Шкотите на референдум во 2014 година гласаа за останување во Велика Британија. (МИА)
