Мексико го екстрадираше озлогласениот нарко бос Рафаел Каро Кинтеро и уште 28 пребегнати членови на картелот во САД, соопшти американското Министерство за правда, објави Си-ен-ен, пренесува ЦИВИЛ Медиа.
Каро Кинтеро, кој мексиканските власти го сметаат за основач на картелот Гвадалахара, наводно бил вмешан во киднапирањето, мачењето и убиството на специјалниот агент на Администрацијата за борба против дрогата Енрике Камарена Салазар во 1985 година.
ДЕА вели дека убиството на Салазар било како одмазда за рацијата во 1984 година на фармата со марихуана на Каро Кинтеро од 2.500 хектари од страна на мексиканските власти.
Каро Кинтеро помина 28 години во затвор во Мексико за неговата улога во убиството пред да биде ослободен на технички план во 2013 година. Мексиканскиот Врховен суд подоцна ја поништи одлуката со која беше ослободен.
Бегалецот се вратил на трговијата со дрога како висок лидер на картелот Синалоа, според ФБИ.
Д. Мишев
