Министерот за правда Бојан Маричиќ оствари работна средба со претседателката на Врховниот суд Беса Адеми. На првата средба по изборот на Адеми за прв човек на Врховен, како што соопштија од прес-службата на министерството, е разговарано за повеќе актуелните теми и прашања.
На состанокот станало збор и за остварувањето на уставните и законските надлежности на Врховниот суд, како и за заложбите за финансиска и административна независност.
-Двете институции ќе бидат вклучени во исполнувањето на критериумите и обврските кои произлегуваат од идното отворање на Поглавјата 23 и 24, односно на фундаментални човекови прави и слободи, како и борбата против корупцијата. Токму оваа борба е една од најзначајните работи за Министерството за правда и Владата, а таа не може да биде успешна без активно да се вклучат сите општествени чинители, стои во соопштението.
Маричиќ и Адеми дискутирале и за состојбата со Ковид-19 во судовите и справувањето со последиците од пандемијата. На средбата била констатирана потребата и во иднина да има средби од ваков формат со цел унапредување на владеењето на правото и борбата против криминалот и корупцијата.
