Денес убав ден, неделава убава навистина, полна со убави вести и убаво време, воздухот загаден, бесплатен автобус, демек некоја мерка била викаат, не функционира знам.
Поради лични причини често морам да одам во клиничкиот центар „Мајка Тереза“ во Скопје, не влегувам во паркингот, не сум ни малку оптимист дека ќе најдам паркинг место а навистина немам намера да си ги кинам живците, или не дај боже да заглавам амбулантно возило на паркингот на кое навистина му треба пат до клиниката.
На моето работно место си имам рутина, прво што правам е кафето, потоа го вклучувам компјутерот и ги читам вестите, одбирам кои од нив ќе одат на нашиот веб, најчесто сум задолжен за светските вести па затоа наидов на една интересна вест која веднаш ја објавив.
Завршив на брзина, продолжив да си го пијам кафето и да гледам бледо во веста која ме замисли, кај нас во Македонија, немаме место да паркираме, ги заглавуваме нашите амбулантни возила, Обединетите Арапски Емирати одлучиле да направат болница во вселената, ќе започнат во 2020, тоа е за 2 години си велам, ние немаме паркинг, се замислив.
ОАЕ сепак не се совршени, впрочем далеку од тоа откако се подразмислив поубаво, не им дозволуваат на жените да возат па секако дека нема да имаат проблем да паркираат, дали ќе им дозволат да одат во болницата во вселената ?
Покрај овој мал детал кој секогаш ми пречел во ОАЕ, тука се и големите работи, со нивните 348 билиони годишен буџет наспроти нашиот скоро 11 билиони долари ние можеме да си дозволиме барем еден нов клинички центар со катна гаража, зар не ?
ОАЕ се залага да направи болница во вселената но не се залага да помогне во регионот, земјите околу нив се западнати во тешки времиња последниве децении, страшни граѓански војни и бегалски бранови ги обземаат и влијаат на светската политичка сцена но сепак болницата во вселената е приоритет нумеро уно.
Во ред, ако случајно излезе некоја нова технологија за замрзнување би сакал да спијам 100-200 години да се разбудам можеби во некоја Утопија, иако потсвесно, длабоко во себе знам дека светов никако не оди кон подобро и тој песимизам е потврден со неодамнешното поместување на светскиот часовник на смртта… на 2 и пол минути до полноќ е уште еден јак показател дека 4те коњи на апокалипсата се тука.