пишува МИЛАН БАНОВ
Динамиката и сосем видливата решеност н власта да се справи со една од рак-раните во општеството, несомнено зборува за веќе евидентно отворен фронт против метастазираниот криминал и корупција во државата, а тој нејзин наум и, секако, конкретните потези, опозицијата секојдневно и неуморно го толкува со она што беше примерено токму за режимот на Груевски и неговите. Значи, како стравовладеење.
Да, на многумина не им е премногу пријатно кога ќе се соочат со сознание за масовни иследувања и судски процеси, при што неодминлив е впечатокот дека огромен дел од македонската популација во незаконското работење ја препознал суштината на опстојувањето, меѓутоа, тоа, сепак, не смее да биде основната причина за да се забошотат фактите и одамна познатата вистина дека земјата ни е потоната во криминал. А, ако е тоа така, ако речиси нема човек кој може да ги оспори мастодонските димензии на гангстерството и мафијаштвото и ако „криминал и корупција“ е најчесто употребуваната синтагма во секојдневното комуницирање (нешто како „добар ден“), тогаш таа, бездруго, би требало да ја премости досегашната фаза на гола констатација низ конкретната борба против ова зло да го загуби својството на обична флоскула. И тука, немам сомнение, би требало да има општ конснзус и класично едноумие, независно од етничките, политичките, идеолошките или не знам какви разлики.
Меѓутоа, Македонија не би била таа и таква ако и во она што апсолутно, неспорно, тргнувајќи токму од овие разлики, не се види обид за погоре споменатото стравовладеење и селективнa борба против криминалот. А тие „аргументи“, кои страотно личат на Орвеловите „еднакви животни“, се поткрепуваат со долги низи списоци, по чие пребројување на криминогените лица, нивните кои, нели, по дефиниција се чесни, ги има значително повеќе, што бездруго е директен повод да се опструира владината акција и во неа да се препознае мотивот на одмаздата.
Па сепак, без разлика на опозициското одбивање да се соочи со вистината, напросто не може да се побегне од фактот дека за време на владеењето на ВМРО-ДПМНЕ(да не го заборавиме ДУИ), Македонија ја доживеа својат криминална ренесанса, што само по себе сугерира дека криминалниот период го спроведоа токму луѓето од оваа политичка формација.
Значи, сегашната, сосема опиплива борба против оргнизираниот грабеж и против сета онаа бандитска братија; борба која конечна излегува од празната реторичка обланда, е само лигична последива и одговор на минатиот труд на оние кои ја испокрадоа државата и го осиромашија народот. И за жал, промовираа уверување (што веројатно е најголемото злосторство) дека ниту една доблест, никаква чесност, чест, достоинство, морал, хумност или пријателоство немаат право на граѓанство во оваа шаа кутра земја и дека единствено моќта и парите, независно како се стекнати, се тоа што се цени и за што вреди да се живее. Според тоа, иако делува грдо кога на телевизијa ќе го видите со лисици оној до вчера моќен и наакан медиокритет, не можете, а да не најдете разбрање за причинско последичниот однос на зосторството и казната. Особено што, само до пред извесен период сте биле силно убедени дека криминалниот аждер ја блуел својата нечесност, зафаќајќи ги сите сфери на животот, а од никаде не се појавуваше оној рицер за да му ги исече главите и целосно да ги уништи.
Борбата што ја спроведе власта во оваа фаза го досега ефектот на сечење една-две од главите на криминалното чудовиште во Македонија. И да не се залажуваме, ако не бидат „отфикарени“ сите, тие што ќе останат, ќе учествуваат во регенарацијата на отсечените, односно до нивно повторно изникнување. Во тој случај (а ми се чини таков е наумот на опозицијата), убиствена прегратка на криминалот и корупцијата ќе нè одвлече во темното и безживотно дувло од каде, потонати во мракот, сме ја загубиле секоја објективна шанса да го здогледаме еворпското сонце. Впрочем, тоа по кој знае кој пат ни го повторува Европа, па оттука кога официјалните претставници на EU ќе речатинтезивирајте ја борбата против организираниот криминал и корупцијата, сигурен сум, во интезитетот гледаат понагласена пресметка со криминалците и нивно ставање зад решетки. И уште сум сигурен дека и јавноста почнува силно да го поддршува овој став особено по разбивањето на илузијата дека крадењето е нормална и несанкционирана работа во оваа држава.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон. Врз основа на договор за соработка, оваа содржина е достапна за Плусинфо и Слободен печат без ограничувања.
