Најмалку 20 лица загинаа по земјотрес што го погоди северен Авганистан, велат локалните власти, а се очекува бројот на жртви да се зголеми додека продолжуваат спасувачките операции.
Стотици се повредени, изјавија локалните власти за Би-Би-Си.
Земјотресот се случи во близина на Мазар-е-Шариф, еден од најголемите градови во Авганистан, дом на околу 500.000 луѓе, во раните утрински часови во понеделник, околу 01:00 часот по локално време (20:30 часот по Гринич во недела).
Според Геолошкиот завод на САД, земјотресот бил со магнитуда од 6,3 степени и длабочина од 28 км (17 милји), и бил означен со портокалово ниво на тревога, што укажува на веројатност за „значајни жртви“.
М. Д.
