Уште седум дена останаа до претседателските избори во САД, уште толку интезивна изборна кампања на двајцата кандидати, потпретседателката Камала Харис и поранешниот претседател Доналд Трамп.
И додека Трамп не престанува со засилена реторика на омраза, навреди, закани и исмејувања, од Харис се очекува до крај да остане на демократското ниво за кои се бори.
Расистот и фашистот наспроти демократот
Доналд Трамп и неговите сојузници се обидуваат да ги намалат критиките за запаливите, расистички изјави од говорниците на митингот на Трамп во Медисон Сквер Гарден во Њујорк, особено квалификацијата за Порторико како „пловечки остров од ѓубре“.
Демократите, соработниците на кампањата на Харис и блиските сојузници во моментот се претпазливи оптимисти за нејзините шанси за победа, велејќи дека трката се менува во нејзина корист. (повеќе: Дали расистичките коментари од митингот на Трамп може да и наштетат на неговата кампања на 7 дена до изборите?)
Познат планот на Трамп за Украина
На само седум дена пред изборите Фајненшел Тајмс излезе со информации дека Трамп, предложи контроверзен план за завршување на војната во Украина, кој предвидува „замрзнување“ на конфликтот и создавање автономни, демилитаризирани зони.
Според еден од долгогодишните советници на Трамп, новиот план предвидува преиспитување на договорите од Минск од 2014 и 2015 година, кои никогаш не беа спроведени. Тие договори предвидуваа територијален интегритет на Украина со автономни зони, додека окупираниот Крим не беше споменат. Планот на Трамп вклучува воведување на „клаузула за механизам за извршување“, односно воведување санкции за прекршување на договорот. (повеќе: Фајненшел Тајмс: Трамп може да предложи план за решавање на војната во Украина)
Завршниот говор на Харис
Камала Харис сега очекува околу 40.000 луѓе да се појават на нејзиниот митинг во Вашингтон вечерва – 20.000 повеќе од претходните проценки.
Настанот е закажан на истата локација каде што Доналд Трамп им кажа на својата толпа поддржувачи да се „борат како пекол“ во 2021 година, неколку моменти пред да упаднат во американскиот Капитол.
Харис претходно побара дозвола да биде домаќин на митинг со до 20.000 луѓе во Елипса пред Белата куќа, но ревидираната дозвола на Службата за национални паркови сугерира дека нејзината кампања проценува дека уште илјадници ќе присуствуваат.
На точно една недела до денот до изборите, кампањата Харис-Валц го најави настанот како нејзин „завршен говор“.
Но, како до нов претседател на САД?
Она што во моментот им е битно на Американците е како и и на кој начин да го остварат своето гласачко право. Според американскиот закон изборите секогаш се одржуваат во вторник, по првиот понеделник во ноември, а тоа оваа година е ноември. Но, исто така, законот дозволува и предвремено гласање, па многу Американци веќе имаат можност да гласаат лично или по пошта. Тоа се должи на начинот на кој државите ги спроведуваат изборите. Секоја држава има некаква форма на предвремено гласање на располагање, што го отвора процесот за луѓето кои не можат да излезат на гласање на денот на изборите и обезбедува што е можно повеќе луѓе да гласаат.
Повеќе од 150 милиони луѓе веројатно ќе гласаат за функцијата претседател на или пред денот на изборите. Но, 538 електори(Таа бројка е еднаква на 100 сенатори и 435 членови на Конгресот, плус три гласа за Вашингтон) ќе го изберат претседателот во процес кој трае до декември и јануари. Кога гласачите гласаат, тие всушност избираат список на избирачи врзани за кандидатот кој ќе победи на народниот глас во секоја држава. Изборниците потоа ќе гласаат за претседател и потпретседател во главниот град на секоја држава на 17 декември.Тие изборни гласови ќе се пребројат во домот на Претставничкиот дом на 6 јануари 2025 година, додека новиот Конгрес ќе ги разгледа. Новиот претседател ја презема функцијата на 20 јануари 2025 година.
Што се нуди за претседател?
Како што објаснува Си-ен-ен, иако Трамп и Харис не се единствените опции што се понудени на Америкаците, тие се главните. Демократите и Републиканците се тие кои можат да го спорведат тоа што го нудат во кампањата.
Економскиот план е заедничко главно прашање, но според анкетите Трамп има предност пред Харис. Клучно прашање е имиграцијата за Трамп и прашањето за абортусот за Харис. Но, клучно прашање е и демократијата, она што ја отсликува Америка, не само во контекст на внатрешното уредување, туку и во глобалната перцепција.
Подготви: Б. Ј.
