Министерот за надворешни работи, Бујар Османи, по повод одбележувањето на годишнината на Северна Македонија во Нато, на прес конференција изјави дека состојбата на постојано одложување на почетокот на преговорите е неодржлива, неодржлива е за регионот, неодржлива е за кредибилитетот на процесот на проширување и не одржлива е за ЕУ.
– Сметам дека, имајќи ги предвид сите аргументи оти Република Северна Македонија ги испорача сите критериуми, дури и ги надмина критериумите за почеток на преговорите, треба да ги почненм преговоите во услови кога 35 проценти од европското законодавство е дел од нашето законодвство, истакна Османи на прес-конференција по тематскиот работен состанок со шефовите на македонските дипломатско-конзуларни претсавништва акредитирани во земјите членки на ЕУ и постојаните претставништва во Унијата и НАТО.
Тој нагласи дека земјава влегува во старт на преговорите со една третина усогласеност со европското законодавство и со исполнети политички и економски критериуми, кои ги надминуваат условите за почеток на преговорите.
– Се направија сите потебни реформски решенија и се затворија сите политички прашања кои стоеја како пречка на патот. Мислам дека овие аргументи и разговорите со бугарската Влада ќе достават доволно предуслови преговорите да почнат веднаш, а Договорот за добрососдство секако е дел од обврските на државата, додаде Османи.
