Палестинските автономни власти остро ја критикуваат најавата дека САД ќе ја преместат својата Амбасада во Израел од Тел Авив во Ерусалим во мај годинава.
Тоа е „провокација за Арапите, муслиманите и христијаните. Со таквото решение, администрацијата на Доналд Трамп се изолира целосно и станува дел проблемот, а не од решението”, изјави за АФП вториот човек во Палестинската ослободителна организација (ПЛО), Саеб Ерекат.
Набил Абу Рудејна, близок соработник на палестинскиот претседател Махмуд Абас, изјави дека преместувањето на Амбасадата на САД „не значи ништо друго освен уништување на израелско-палестинскиот мирен процес”.
Неименуван претставник на американската Администрација денеска изјави дека во текот на мај годинава се очекува САД „да ја отворат својата Амбасада во Ерусалим“.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
