Руската новинарка Марина Овсјаникова, која вчера упадна во тв-програмата на руската државна телевизија со транспарент против војната во Украина доби парична казна од 30.000 рубљи или околу 250 евра, за организирање неовластен јавен настан. Овсјаникова беше приведена по протестот, а претходно беше и пријавена за исчезната од адвокатите кои рекоа дека ја барале цела ноќ.
И Францускиот претседател Емануел Макрон рече дека „Франција е подготвена да и` понуди „конзуларна заштита“ на руската новинарка, или во амбасадата или со давање азил. За храброста, Овсјаникова доби оддршка и од Европската комисија.
„Ќе почнеме дипломатски напори со цел да и понудиме заштита – или во амбасадата, но и заштита преку азил. Ќе имам шанса на некој од моите следни разговори со претседателот Путин да го предложам ова решение на многу директен и конкретен начин“, рече Макрон.
Во меѓувреме на Телеграм каналот на нејзиниот адвокат Антон Гашински сподели заедничка фотографија со Овсјаникова во судот.
And here she is in court! Marina Ovsyannikova! https://t.co/6OHalWLRYZ pic.twitter.com/B5R5W1DtRV
— Kevin Rothrock (@KevinRothrock) March 15, 2022
Нејзината постапка од Кремљ беше окарактеризира како хулиганство, односно беше прогласена за виновна за непочитување на законот за протести, објави руската државна новинска агенција РИА.
