Во Карпош, Скопје, на старите гробишта е пронајдена плоча со натпис „Дарданус“. Додека се чистело во гробиштата, некој го сликал и го објавил на социјалните мрежи.
На фотографијата се гледа дека е оштетен дел од плочата. Како што пренесува ТВ21 тие излегоа на терен да го видат одблиску, но инвеститорот не дозволи да се снима, бидејќи е приватна сопственост. После тоа, на барање на ТВ21, на терен излезе директорот на Управата за заштита на културното наследство Аријан Асланај, кој вети дека по 2 дена оваа плоча неоштетена ќе биде испратена во државниот музеј.
„Ви ветуваме дека во рок од 2 дена максимално ќе биде исчистен и конзервиран, ќе биде изложен во музејот на Македонија, каде исто така е дозволено да се чува. Ви ветувам дека ќе има изјава. Ако сакате, можам да дојдам и со научниците, кои тоа го знаат, имаат сознанија за тоа“, рече Асланај.
Директорот Аријан Асланај, дополнително истакна дека овие гробишта на оваа територија се од 6 век, а внатре во гробиштата, како што рече, може да се најдат прстени, мечеви и стрели.
Дарданците биле илирско племе сместено во средината на Балканот, главно на денешно Косово и неговата околина, а тие биле основачкото племе на Кралството Дарданија, околу 4 век п.н.е.
