Архиепископот на полската Католичка црква, надбискупот Војчих Полак, вчера во Ватикан пријавил случај со полски владика, обвинет дека заштитувал свештеници за кои се знае дека сексуално злоставувале деца.
-Барам свештениците, монахињите, родителите и наставниците да не се водат според погрешната логика на заштита на Црквата, што всушност крие сексуални насилници, изјави Полак во изјавата.
„ Меѓу свештенството нема место за сексуална злоупотреба врз малолетни лица. Ние не дозволуваме прикривање на вакви злосторства“, истакна тој.
Сега се очекува Ватикан да назначи лице кое ќе го испита случајот.
Случајот излезе на виделина по филмот на браќата Томаш и Марек Секиески, прикажан во саботата, на кој се гледа како владиката Едвард Јаниак во градотот Калиц, не прави ништо против свештениците познати по злоупотреби на деца.
Документарниот филм „Игра на скриените“ ја раскажува приказната за двајца браќа, жртви на сексуална злоупотреба од страна на свештеник, кој ја имал премолчената, но очигледна, заштита на Едвард Јаниак, денеска на позицијата титуларен епископ на Калиц.
-Филмот, што штотуку го гледав, покажува дека не се почитувале постојните норми за заштита на децата и младите во Црквата, одговори архиепископот Полак во видео пораката, барајќи од Светиот престол, преку нунцијатурата, да отвори истрага за недостаток на реакција.
