По успешните семинари во Скопје, Велес, Куманово, Битола, Струмица и Прилеп, ЦИВИЛ продолжува со регионалните семинари за граѓанско новинарство, овој пат во Штип. Семинарот ќе се одржи на 12 мај (сабота) во Домот на млади од 11 до 17 часот.
Право на учество имаат сите заинтересирани полнолетни граѓанки и граѓани од општините Штип, Виница, Кочани, Радовиш, Пробиштип, Чешиново-Облешево и Карбинци.
Доколку имате желба и сакате активно да учествувате и придонесете кон општествените промени како граѓански новинарки и новинари што известуваат без страв и цензура, сѐ што треба да направите е да се пријавите на овој линк или на слединов формулар.
[vfb id=3]
#ГраѓанскиОбјектив е проект во кој се комбинираат истражувањето, медиумските активности и активизмот, кои се основа за долгорочно изборно набљудување. Овој проект веќе трета година придонесува кон развој на граѓанското новинарство во земјата.
Основна цел на проектот Граѓански објектив е да се придонесе кон транспарентни и одговорни политички процеси, да се зајакне јавната свест политиките и практиките поврзани со човековите права, гласачкото право и политичките процеси и да се алармира домашната и меѓународната јавност за измамничките практики во изборните процеси и воопшто.
