На социјалните мрежи се шири видео од откривање на спомен плоча на загинати припадници на УЧК, но не се наведува местото каде е поставена таа плоча.
До кога бе ќе им се дозволуваат вакви работи на терористите, прашува Х профилот Поздрав@дапукне, додека Х профилот РОМА@Roma92377181 пишува: Да го праша некој Стојанче пошто сум блокирана колку споменици има до сега направено за македонските бранители? Посебно во западна Македонија.
Х профилот РОМА@Roma92377181 не наведува во која локација се наоѓа спомен плочата, но во коментар пишува: Ова не е проблем ни за ВМРО ДПМНЕ ни за СДСМ ни за Максим Димитриевски… Избори се ближат.
Порталот Мактел објави текст со наслов: Нов споменик на УЧК во земјава, засега не се знае на која локација е.
Со пребарување дојдовме до информација дека спомен плочата е поставена во кумановското село Слипчане. На Фејсбук страницата (Fshati Jezerc) Село Језерц на 31 јули 2025 е објавено: „Откривање на спомен-плочата во село Слупчанe посветена на тројца маченици, меѓу мачениците од село Језерц се
Командант Африм Каланица, командант Шенаси Ибрахими и Харун Касуми.
Спонзори на ова спонем плоча се: Арменд Исени, Севим Ганија, Седат Ајвази и Гентуар Исени, се наведува во објавата на Фејсбук.
На 28 јули 2025, доцна во ноќта Град Скопје го постави споменикот на Андон Лазов-Ќосето на кружниот тек кај хотелот „Континентал“ во Скопје. Градоначалничката Данела Арсовска на Фејсбук објави дека „со поставувањето на спомен-обележјето во чест на македонскиот револуционер Андон Лазов Јанев – Ќосето, оддаваме признание за неговиот неуморен дух и саможртва во борбата за слободна и независна Македонија“.
Два дена подоцна, на 30 јули 2025, е поставена спомен-плоча кај мостот на Бит Пазар, во чест на четворицата жртви и преживеаните од трагичниот настан на Бит Пазар од ноември 1992 година – момент со особена тежина во историската меморија на нашиот град.
ЦМДТ
