Mbi 1500 social-demokratë nga Prilepi me autobusë dhe automjete personale pasdite u nisën të udhëtojnë drejt Shkupit në protestë për të kërkuar dorëheqjen e presidentit Gjorge Ivanov, pas shpalljes të vendimit të tij për amnistinë e 56 politikanëve, të cilët ishin subjekt i përmbajtjeve të akuzave në aferën e ‘përgjimit’.
[youtube width=”600″ height=”400″]https://www.youtube.com/watch?v=x2lMVK6sY_Q[/youtube]
Social-demokratët kërkojnë dorëheqjen e menjëhershme të presidentit Gjorgje Ivanov dhe kthimin e demokracisë në shtet.
[youtube width=”600″ height=”400″]https://www.youtube.com/watch?v=iP017fOKVRI[/youtube]
Shpejtë pas nisjes së social-demokratëve në rrugë për në Shkup, në të njëjtin relacion, siç kuptoi CIVIL Media janë nisur edhe 30 policë nga stacioni policor nga Prilepi. Por, shpejt pas kësaj ata morën udhëzime të reja, për t’u kthyer në qytetin amë.
“Ka lajmërime se në mbrëmje do të ketë tubime të qytetarëve nga Manastiri, policia do të jetë në gjendje gatishmërie, kështu që do të intervenohet sipas nevojës”, zbulojnë burimet për CIVIL media.
Prapëseprapë, dyzet policë, përgjegjës për mirëmbajtjen e rendit dhe qetësisë publike, nga stacioni policor në Prilep, u nisën rrugës për në Manastir, ku në orën 19:00 është paralajmëruar protestë e qytetarëve, kundër vendimit të presidentit Gjorge Ivanov.
“Para dy-tre orëve, policët morën udhëzim dhe u nisën rrugës për në Shkup, por pas lajmërimeve se protestë do të mbahet edhe në Manastir, janë kthyer thuajse nga kalimi i Pletvarit përsëri në Prilep. Tani ata janë të mobilizuar përsëri dhe janë në rrugë për në Manastir “, thonë burimet për CIVIL media.
Monika Taleska
