Рускиот претседател Владимир Путин планира да изврши присилна мобилизација во окупираните територии на регионите Запорожје и Керсон.
„Псевдореферендумите на окупираните територии на регионите Запорожје и Керсон имаат за цел да прогласат присилна „мобилизација“. Откако ќе биде завршен, руската ФСБ планира да ги фрли „мобилизираните“ Украинци на најжешките точки на фронтот за да нападнат на позициите на вооружените сили на Украина под контрола на одредите за бараж. Всушност, ова е обид да се уништи Украина од рацете на самите Украинци“, објави на Телеграм главната управа за разузнавање на Министерството за одбрана на Украина, пренесува Укринформ.
Главната управа за разузнавање забележува дека личните податоци на жителите на привремено окупираните територии се собираат наводно за жителите да добијат „хуманитарна помош“ или социјални бенефиции.
Во реалноста, податоците ќе се користат на „референдуми“. На денот на „гласањето“, службениците на ФСБ ќе пополнат гласачки ливчиња користејќи ги добиените информации без согласност и физичко присуство на самите Украинци.
Според украинското разузнавање, оваа специјална операција ги следи следните цели: елиминирање на припадниците на украинската етничка група; спроведување на пропагандни активности за да се наметне на населението на Русија и светот митот дека „населението од регионите ослободени од нацистите почна да се бори против националистичките баталјони“.
„Тоа е уште едно злосторство на режимот на Путин против Украина и доказ за геноцидот врз украинската нација“, подвлекува Главниот директорат за разузнавање.
Подготви Д.Мишев
