ЦИВИЛ Медиа на својата Фејсбук страница го постави прашањето – Чија е одговорноста за политичките тензии по инцидентите со знамињата на 28 ноември?
Сквернавење на македонското знаме на одбележување на Денот на албанското знаме, пукање со огнено оружје, палење на албанското знаме во Прилеп и Куманово (како одговор, реакција на претходниот чин?), полицаец качен на полициско возило симна албанско знаме од бандера и го фрли на земја, македонската навивачка група Чкембари во сред Битола мафтаа со вергина знамиња скандирајќи „смрт за Ш****ри и чиста Македонија“, ФФМ ги откажа фудбалските натпревари за да спречи инциденти и говор на омраза…
Граѓаните со поделени мислења, дел сметаат дека виновни за инцидентите се владата, МВР, други сметаат дека опозицијата и албанските политички партии ги организирала инцидентите.
Ви пренесуваме дел од коментарите:
- Секако на власта, нивните изјави за друг дека е виновен е чиста демагогија (само одбрана за нивната неспособност)
- Се е испровоциранo и сторено од власта, само да се отргне внимание од нивните злосторнички работи. Исто е и со градскиот превоз и слични “понебитни” работи.
- Одговорни се албанските партии одат по линија на помал отпор кон своите националисти.
- Одговорни се МВР затоа што еден настан со можен висок етнички набој не го обезбедија соодветно и дозволија, веројатно свесно да излезе од контрола. Продолжувањето на ефектите личи на некаква ујдурма од вмровско-српско-руските смрдеи.
- Одговорот ќе го најдете во самото прашање. Политичките танзии ги ствараат тие што се бават со политика, а тоа се политичките партии со нагласок дека најголема одговорност имаат партиите на власт и нивните истурени играчи-претставници во ВЛАДАТА.
- Србија преку изведувачот на работите во Вардарска Македонија. ВМРО…
- „Перхан“ со перманентните најави за дестабилизација на државата.
- Одговорни се пред се родителите кои пратиле претежно малолетници на протест/прослава, а потоа партиите.
- Владата е крива, да се сврти вниманието од лошото владеење, ама бетер се заглави…
Д. М.
