Администрацијата на американскиот претседател Доналд Трамп ќе одобри продажба на артилјерија на Саудиска Арабија во вредност од 1,3 милијарди долари.
Стејт департментот соопшти дека администрацијата му порачала на Конгресот да планира да ја одобри продажбата, а конгресмените ќе имаат 30 дена да дејствуваат доколку сакаат да ја спречат продажбата.
Продажбата вклучува 180 хаубици „Паладин“ со калибар од 155 милиметри.
Продажбата на тие хаубици нема да ја промени воената рамнотежа на Блискиот исток, истакна Пентагон.
САД до сега потпишале договори за продажба на оружје на Саудиска Арабија вредни околу 2,3 милијарди долари, откако принцот Мухамед бин Салман пристигна во Америка минатиот месец.
Извор: МИА
