ЗОРАН ИВАНОВ
Да сме се однесувале Скандинавски, е да, баш точно е како што сред Скопје гордо им плесна в очи претседателката на Нашата дека однесувањето на соседите, посебно на јужниот и на источниот се во конфликт со секаква правна логика, дека правото и овдешно и правото меѓународно се на наша страна, на страната на Нашата држава ама исто така е неспорно дека диоптриите и толкувањата наши и диоптриите и толкувањата нивни се дијаметрално спротивни и спротивставени и додека ние гледаме со силата на правото, тие се закачиле на силата на политиката и додека ние одовде обвинуваме за неправда зашто задираат во елементарната цивилизациска придобивка секоја држава да си се именува како што си сака и секој народ да си се именува како што си се чувствува, така некако со некои свои аргументи и квази аргументи и овие наши од југ и од исток кај третите страни нè цинкарат дека крадци на нивни истории и на нивни идентитети сме биле ние, а не тие и тука, кажано и во оваа една реченица, завршува правото наше и доминира моќта на политиката нивна и додека вагата на Јустиција се клати те накај нивите држави, те накај Нашата држава, времето неповратно си врви само што нивното си врви таму во просперитетната ЕУ, а нашето ни стои овде на уште примитивниот Балкан.