Седници денеска ќе одржат собраниските комисии за одбрана и безбедност, за надзор над работата на УБК и Агенцијата за разузнавање, за труд и социјална политика и законодавно-правната.
Предлог – закон за изменување и дополнување на Законот за оружјето во второ читање, како и Предлог – закон за странци во прво се на дневен ред на Комисијата за одбрана и безбедност.
Членовите на Комисијата за надзор над работата на УБК и Агенцијата за разузнавање ќе ги разгледаат извештаите на двете институции за работата во 2017 година, како и Програмата за работата на УБК за оваа година.
Пратениците од Комисијата за труд и социјална политика ќе расправат за Предлог – закон за изменување и дополнување на Законот за вработување на инвалидни лица во прво читање.
Закондавно-правната комисија ќе одржи три седници, 60., 63. и 64-та. На дневен ред се повеќе закони, а на 60. седница меѓу другите се и Предлог – закон за изменување и дополнување на Законот за електронско управување, Предлог – закон за изменување и дополнување на Законот за аудио и аудиовизуелни медиумски услуги и Предлог – закон за изменување и дополнување на Законот за основање на Јавно претпријатие Македонска радиодифузија, сите во второ читање.
Извор: МИА
