Во Собранието на Република Македонија денеска седници ќе одржат комисиите за одбрана и безбедност, транспорт, врски и екологија, за политички систем и односи меѓу заедниците и Законодавно-правната комисија.
Комисијата за одбрана и безбедност ќе одржи две седници, на кои на деневен ред се Предлог – одлука за испраќање на припадници на Армијата на Република Македонија за учество во мировната операција „АЛТЕА“, во Босна и Херцеговина, како и измените и дополнувањата на реформскиот Закон за класифицирани информации, измените и дополнувањата на Законот за заштита и спасување и на Законот за безбедност на сообраќајот на патиштата, сите во второ читање.
Јавна расправа за Предлог на закон за изменување и дополнување на Законот за аудио и аудиовизуелни медиумски услуги ќе одржи Комисијата за транспорт, врски и екологија.
Измените и дополнувањата на Законот за заштита на сведоци, по скратена постапка во второ читање е на дневен ред на Комисијата за политички систем и односи меѓу заедниците.
Седница ќе одржи и Законодавно-правната комисија.
Извор: МИА
