• Latest
Добро утро со Орданоски

Што бара Заев во Цариград?!

January 14, 2020

Косовски пратеник удри граѓанин со бокс оти го нарече „лажго“ – инцидент во центарот на Приштина!

October 26, 2025

Примирје меѓу Тајланд и Камбоџа – договор потпишан со посредство на Трамп во Куала Лумпур

October 26, 2025
Фото: Скриншот од видео на BBC News

САД разгледуваат можност за распоредување мировни сили во Појасот Газа – прашањето денеска на маса во Катар

October 26, 2025

Точно една недела до вториот круг на локалните избори – кампањата влегува во завршница во 32 општини и Град Скопје

October 26, 2025
Фотографија: Скриншот од Фејсбук видео

„Марш на ангелите“ во Кочани: Правдата и вистината да излезат на виделина

October 25, 2025
Фотографија: Wikimedia Commons

Независната кандидатка и левичарка Кетрин Коноли победи на претседателските избори во Ирска

October 25, 2025

Мицкоски очекува 59 градоначалници по завршување на вториот круг од локалните избори

October 25, 2025

Хоџиќ: Македонската политичка елита ја подготвува јавноста за интеграција во „српскиот свет“

October 25, 2025

Најголемиот американски воен брод, авиони, беспилотни летала и маринци се распоредуваат околу Венецуела

October 25, 2025

Камала Харис: Можно е повторно да се кандидирам за претседателка на САД

October 25, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Што бара Заев во Цариград?!

Со „појавата“ на Заев, политичкиот естаблишмент во државата, особено оние од некогашната власт, а денешната опозиција – но, и не само тие – прво, во неверување, се вчудовидуваа, а потоа останаа комплетно одземени, шокирани! Како некаква струмичка мамба да ги апнала! Како е можно толку проблеми да се решат, за така релативно кратко време – се прашуваа унезверени улежаните политички елити, очајни во сопствената заглавена историска перспектива?!

January 14, 2020 07:46
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

пишува: САШО ОРДАНОСКИ

На вчерашното прашање на ВМРО-ДПМНЕ „во кое својство бил Заев на средбата со Вселенскиот Патријарх г. г. Вартоломеј во седиштето на Цариградската Патријаршија во Истанбул?“, одговорот би можел да е релативно едноставен: бил во својство на политичар кој решава проблеми.

Концептот на политичари кои решаваат, наместо само да создаваат проблеми, не е многу популарен во балканската, а и македонската политика. Напротив, овдека тој фрустрирачки модел на нерешавање проблеми дури оригинално и се унапреди: прво се создаваат проблеми, кои потоа, оние кои ги создале, од процесот на нивното неуспешно решавање градат сопствени кариери, и тоа го прогласуваат како голем политички успех! На пример, во меѓуетничките односи, такви политичари кои постојано измислуваат, за потоа „херојски“ половично да ги решаваат проблемите, има со лопати да ги ринете.

Со „појавата“ на Заев, политичкиот естаблишмент во државата, особено оние од некогашната власт, а денешната опозиција – но, и не само тие – прво, во неверување, се вчудовидуваа, а потоа останаа комплетно одземени, шокирани! Како некаква струмичка мамба да ги апнала! Како е можно толку проблеми да се решат, за така релативно кратко време – се прашуваа унезверени улежаните политички елити, очајни во сопствената заглавена историска перспектива?!

Дури, не е претерано да се каже дека заради персоналниот, негативен однос кон него, неговите опоненти, како хипнотизирани, направија низа погрешни политички проценки од чии последици сè уште не можат да се еманципираат. Слично како што, на времето, од многумина беше потценет Груевски, додека не стана предоцна.

Но, речиси уште поголемо беше изненадувањето од Заев, тоа можам и нешто лично да посведочам, кај разни меѓународни инстанци кои се занимаваат со Македонија. Западните политичари и дипломати имаат необична слабост, па дури и еден вид на своевиден респект – зборот „своевиден“, инаку, не значи ништо, ама добро звучи – кон автократи. Бидејќи доаѓаат од земји каде „цврстата рака“ и „тоталната контрола“ е одамна заборавен метод на владеење, западњациве, со слична возбуда како кога одите во зоолошка да го видите кафезот со бели тигри, ем му се плашат, ем му ја респектираат моќта на оној кој на Балканот знае да испорача стабилност и ред, без да реши ниту еден суштински проблем. Тоа е долга традиција, султанска; но, во поново време, од Милошевиќ, до Груевски и Вучиќ, на пример.

Кај нас, со години ја поддржуваа „демократската автократија“, а и издашно ја финансираа. Така ја одржуваа стабилноста на „замрзнатите“ конфликти, со мрзеливото оправдување дека „без националистичката десница, нема решение за ниту еден сериозен балкански проблем“. Ма, немој!

А потоа им се појави Заев – многу несовршен и по малку провинцијален, но вознемирувачки директен и енергичен – и им ја „измести“ логиката на сите, пред да сконтаат дали е тој само итар или е самоубиствено политички храбар. Им се случи мало балканско политичко цунами. Сите, заедно, со неверување гледаа како овој, со беспримерни политички „кристијании“ и со гимнастичарски салта-морталиња во морално-политичките стандарди, прагматично адресира еден по еден проблем – и испорачува решенија!

На Балканот да испорачаш решение – е, тоа е чудо невидено!

Со тоа се воспостави нов регионален политички стандард: и незамисливите компромиси стануваат можни, доколку политичарите се упорни, а и доволно вешти – што и да се подразбере дека е содржината и опсегот на таа вештина – да се посветат на решавање на одреден проблем, со прифаќање на ризикот од последиците на решенијата.

Меѓу своите балкански колеги, Заев не е многу омилен политичар. Ја подигна „политичката летвичка“ на повисоко ниво. И оние кои го гушкаат, како и оние кои му се потсмеваат, го чувствуваат тој негов „општ притисок“ врз плеќи.

Би било погрешно – се надевам – ваквиот третман на Заев да се сфати како приземна политичка апологија. Има безброј причини заради кои Заев може да се исмева, да не се сака, со многу аргументи да се критикува… Лично, почесто ме нервира, одошто ме воодушевува. Има во него и доза на еден неподнослив „левитирачки“ популизам од онаа фолклорна, „народњачка“ насока, што се коси со разбирањето на пристојната, либерална, политичка гравитација.

Но, резултатите му се поубедливи од личните недостатоци. Тоа е.

Затоа, не поставувајте глупави прашања од типот „што бара Заев во Стамбол?“… Веројатно бара некаков начин да „затвори“ уште некое отворено прашање за Македонија, околу коешто се изгубени десетлетија успешни политички кариери во неговото нерешавање.

 


Сите права се задржани.  Услови за користење, авторски права и заштита на приватноста.

Print Friendly, PDF & Email
Share34Tweet21Send

НАЈЧИТАНИ 5

  • Поранешен унгарски разузнавач по неодржувањето на средбата помеѓу Трамп и Путин: Она што сега изгледа како дипломатски успех, на долг рок ќе се претвори во сериозна трагедија

    130 shares
    Share 52 Tweet 33
  • „На Ѓупците треба да им се забрани да гласаат“ – советник од десничарската МААК со скандалозен расистички испад во Неготино

    126 shares
    Share 50 Tweet 32
  • EУ испрати порака, Мицкоски молчи – Андонов со жестока критика

    185 shares
    Share 74 Tweet 46
  • „Путин повторно го изигра“: Откажувањето на самитот во Будимпешта ја завршува фантазијата на Трамп дека ќе донесе мир во Украина

    101 shares
    Share 40 Tweet 25
  • Разобличување на „буразерската“ финансиска коалиција: Алта банка и „посвоената“ Стопанска банка – Битола во обид да го избегнат европскиот финансиски радар

    99 shares
    Share 40 Tweet 25
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ