„Примателите на социјална помош и туѓа нега утре ќе добијат пари“, вели за ЦИВИЛ Медиа, Павлина Симоновска, портпаролка на Министерствотоза труд и социјална политика.
Таа вели дека доцнењето на исплатата е поради технички причини, бидејќи имаше празници.
„Ние во септември минатата година им исплативме паричен надоместок за два месеца, за да дојдеме на нула, бидејќи претходната власт на корисниците на социјална помош им должеше една исплата“, додава Симоновска.
Револтираните граѓани реагираат дека социјалната помош досега им била исплатена најдоцна до 5-6 јануари.
„Владата секој вторник се задолжува и утре сигурно ќе пуштат пари, откако ќе земат нов кредит. Ги прашувам тие што се на власт, дали знаат како ни беше на нас сиромашните, коишто немавме пари да славиме Нова Година, Божиќ, Стара Нова година, Богојвление… Дали се запрашаа како преживуваме речиси цел месец без пари во овие минусни температури, а многу социјалци живеат и без струја, вода, дрва за греење. Нормално дека не знаат, бидејќи лесно се живее со 1000/2000 евра плата. “, вели еден примател на социјална парична помош.
Дехран Муратов
