Шестмината скијачи кои вчера се изгубија на Попова Шапка, пронајдени се и спасени синоќа околу 21 часот, соопшти МВР.
Нивното исчезнување вчера околу 17:30 часот во Полициското одделение Попова Шапка го пријавиле 30-годишниот Ф.Р од тетовското село Лисец и косовскиот државјанин М.З.
Шестмината скијачи, од кои двајца косовски и четворица македонски државјани, околу 14 часот и 30 минути со жичница се искачиле на „Церипашина“ и потоа се спуштиле по патеката Јелак. Но, поради густата магла залутале и се изгубиле во непознат шумски предел, два километра северно од месноста „Шипковачки бачила“, над селото Вешала.
Веднаш е организирана потрага и околу 21 часот сите се пронајдени живи и здрави во месноста „Студорек“, во близина на „Шипковачки бачила“, и со ратрак се спуштени кон Полициското одделение Попова Шапка, информира МВР.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини