ЦИВИЛ – Центар за слобода ќе одржи работна средба „Заедниците против насилниот екстремизам“ општина Тетово, на 11 февруари (понеделник), од 13,00 – 15,00 часот.
На средбата, претставниците на ЦИВИЛ на учесниците ќе им го презентираат проектот чија цел е да се придонесе кон јакнење на отпорноста на локалните заедници против насилниот екстремизам, преку формирање на работни групи во заедниците, граѓанска едукација и јакнење на јавната свест.
На работната средба e поканета градоначалничката на Тетово, Теута Арифи, како и претставници на локалната власт и институциите, полицијата, училиштата, како и организациите на граѓанското општество.
Работната средба ќе започне со потпишување на Меморандум за соработка меѓу ЦИВИЛ и Општина Тетово во сферата на превенција од насилниот екстремизам, радикализацијата и тероризмот.
Овој настан е одлична можност претставниците на различни заедници и засегнати страни, како и носителите на одлуки на локално ниво да се запознаат со нови начини на граѓанско организирање со цел да се надминат предизвиците што ги носи насилниот екстремизам.
ЦИВИЛ го спроведува проектот „Заедниците против насилниот екстремизам“ со поддршка од Амбасадата на САД во Скопје.
Д. Муратов
