Министерот за правда Никола Тупанчески, во вечерашното гостување во емисијата ,,Што не е јасно ?” на Алфа ТВ говорејќи за францускиот предлог за решавање на спорот рече дека Владата досега не го разгледала предлогот, а сите шпекулации околу содржината треба да се прифатат со резерва, информираат од Министерството за правда.
Во однос на гласањето недоверба на бугарската Влада Тупанчески рече:
,,Факт е дека нашата држава се покажа кооперативна за постигнување на повисоки цели, меѓутоа факт е дека во неколку наврати изостана она што беше ветено, дали тоа ќе има поширока рефлексија, импликација во однос на досегашните условно речено случувања што беа меѓу нашата држава и европските партнери и т.н, ќе видиме како ќе биде. Ова е нов момент, да почекаме како ќе се развиваат работите, информацијата само што беше пласирана дека е изгласана недовреба во Бугарија, да не ги врзуваме директно двата сегменти, едниот сегмент беше Преспанскиот договор, и ова е вториот сегмент, сето тоа е во постигнување на повисоки цели.“ Во однос на францускиот предлог Тупанчески смета дека билатералните односи не би требало да станат дел од преговарачката рамка.,, Да не дозволиме да се направи грешка која во иднина не може да се корегира. Добро ќе биде какво и да е решението да го помине собранискиот филтер. Да не се влезе во некоја интрига, да не биде ова договор со ѓаволот.Треба се пријде со сериозна доза на внимателност”порача Тупанчески во вечерашното гостување во Алфа ТВ.
Тупанчески во вечерашната емисија ,, Што не е јасно? се осврна и на корупцијата , борбата против криминалот,довербата во судството.Тоа според Тупанчески се процеси кои не можат да се искоренат преку ноќ затоа што се таложеле со години, а проблемите не се решавале.
,,Јас сум министер речиси 5 месеци ,во овој период ги аналзираме причините што доведуваат до коруптивни односи и се обидуваме на некој начин да ги екстрахираме. Веќе во владина процедура и собраниска постапка е пакетот закони за зголемување на платите на судиите. Морам да ви кажам дека бев изненаден од општата реакција што всушност значи 15% зголемување на платите на судиите и јавните обвинители. Затоа сметам дека треба од една страна да се вложи, да се инвестира во интегритетот на судијата што ќе придонесе кон зголемување на перцепцијата, кон ефикасноста и ефективноста и на судството и на јавното обвинителство. Не смееме да генерализираме, меѓутоа фактот дека довербата во судството е едноцифрена говори дека состојбите инклинираат кон алармантно”,рече Тупанчески.Министерството за правда според Тупанчески не е таа институција што треба да суди и обвинува, туку да создава оптимални услови за да може да се правораздава.
Во однос на неодманешната акција во затворот Идризово, Тупанчески порача дека одговорност ќе има за сите инволвирани лица кои дозволиле во просторитте на осудените лица да се внесе оружје, мобилни телефони, психотропни супстанции.Институциите треба во најскоро време да го расчистат случајот. Министерот за правда Никола Тупанчески најави дека вакви акции ќе има и во другите затвори.
