Укажувачите од Македонија номинирани за европска награда

Ѓорѓи Лазаревски и Звонко Костовски, укажувачите кои го открија масовното прислушување се номинирани за европската награда која ја доделува Европскиот Парламент.

Годинешната награда под мотото „Новинари, укажувачи и чувари на правото на информирање“ е во чест на Дафне Каруана Галиција, малтешката новинарка која беше убиена поради откривање на скандалот со корупција и криминал во Малта.

Покрај македонските укажувачи, номинирание се и Јан Куцијак, словачки истражувачки новинар, кој ги истражуваше даночните измами меѓу бизнисмени и словачки политичари, Џулијан Асанж, основачот на „Викиликс“, Марија Ефимова, укажувач, која откри корупција поврзана со малтешките политичари и Рафаел Халет, укажувачот за даночна евазвија во Луксембург, поврзан со „Луксембург Ликс“.

Одлуката за наградата ќе ја донесе деветчлено жири, меѓу кои, членуваат истражувачки новинари и укажувачи.

М. И.