Речиси осум милиони бегалци од Украина пристигнаа во земјите од Европа откако во февруари минатата година таа држава влезе во воен конфликт со Русија, соопшти Високиот комесаријат за бегалци на ОН (УНХЦР)
Во соопштението се наведува дека во текот на измината недела тој број се зголемил за 10.571.
УНХЦР објави дека од 24 февруари 2022 до 17 јануари 2023 година, најмногу луѓе засолниште побарале во Русија, односно 2.852.395, потоа во Полска 1.563.386 луѓе и во Германија 1.021.667 луѓе.
Точниот број луѓе кои ја напуштиле Украина од почетокот на војната, според УНХЦР, е 7.977.980.
Во Чешка пристигнале 482.049 лица, во Италија 167.925, во Шпанија 161.012, а во Велика Британија 155.500 лица.
