Мариупол, Харкив, Херсон, Чернихив, Буча и Ирпин. „Овие украински градови се појавуваат во сите светски медиуми, но дали луѓето знаат што се крие зад насловите? На крајот на краиштата, сликите од градовите опустошени од војна изгледаат исто“, истакнуваат од Проектот „Градови на слободата“.
Проектот Градови на слободата има за цел преку кратки документарни видеа да го прикаже секојдневниот живот во украинските градови, накратко објаснувајќи ја нивната историја, уникатни ликови и човечки приказни. Сакаме ова да ги споделиме со светот!, велат организаторите.
Оттаму повикуваат за помош да се раскаже на светот вистинската приказна за прекрасните украински градови, нивниот уникатен идентитет и нивната култура!
