Американскиот претседател Доналд Трамп нареди 2.000 припадници на Националната гарда да се справат со немирите што избија како протест против рациите врз недокументираните мигранти, објави Би-би-си.
Трамп рече дека војниците завршиле „одлична работа“ во калифорнискиот град, каде што во саботата се веќе втор ден има судири меѓу демонстрантите и федералните агенти.
Солзавец беше употребен за растерување на толпите додека жителите на претежно латиноамериканскиот кварт Парамаунт се судрија со агентите на Службата за имиграција и царина (ICE) во текот на денот.
Дури 118 апсења беа извршени во Лос Анџелес деновиве во операциите на Службата за имиграција, вклучувајќи 44 во петокот. Гувернерот на Калифорнија, Гевин Њусом, ги осуди рациите како „сурови“. Тој изјави дека потегот на Трамп е „намерна провокација“ и дека тоа само ќе ги ескалира тензиите. „Ова е погрешна мисија и ќе ја урне довербата на јавноста“, изјави тој, известува Си-ен-ен.
Распоредувањето на силите на Националната гарда се прави „не затоа што има недостаток на органи за спроведување на законот, туку затоа што сакаат спектакл“, напиша Њусом на X.
The federal government is taking over the California National Guard and deploying 2,000 soldiers in Los Angeles — not because there is a shortage of law enforcement, but because they want a spectacle.
Don’t give them one.
Never use violence. Speak out peacefully.
— Gavin Newsom (@GavinNewsom) June 8, 2025
Тој ги повика демонстрантите да не му го дадат тој спектакл на Трамп. „Никогаш не употребувајте насилство. Проговорете мирно“, напиша тој.
Еден висок службеник за спроведување на законот изјави за Си-ен-ен дека распоредувањето на Националната гарда е претерана реакција и може да има спротивен ефект.
Подготви: Џ. Д.
