Амбасадата на Холандија во главниот град на Демократска Република Конго, Киншаса, е нападната, соопшти холандското Министерството за надворешни работи.
Во меѓувреме, локалните безбедносни сили се присутни за да ја заштитат зградата, а ситуацијата на изглед се стабилизира, изјави портпаролот на МНР.
Demokratik Kongo Cumhuriyeti’nin başkenti Kinşasa’da;
Fransa, ABD, Ruanda, Uganda ve Kenya büyükelçilikleri protestocular tarafından ateşe verildi. pic.twitter.com/mpAEhlGpOO
— Malik Ejder (@malikejder47) January 28, 2025
Амбасадата на Холандија и на Белгија се во иста зграда, сè уште е непознато кон кого бил насочен нападот.
Претходно, медиумите јавија дека демонстрантите во Киншаса ги нападнале амбасадите на Руанда, Белгија, Франција, САД, Уганда и Кенија.
Demokratik Kongo Cumhuriyeti’nin başkenti Kinşasa’da protestocular, Fransa Büyükelçiliği’ni ateşe verdi. pic.twitter.com/4htjSYc4ps
— gdh (@gundemedairhs) January 28, 2025
Немирите во Киншаса уследија откако бунтовниците од Движењето 23 март (М23), поддржани од Руанда, вчера влегоа во Гома, град со два милиони жители, што се наоѓа на околу 1.600 километри од главниот град Киншаса.
Во Гома продолжуваат борбите помеѓу армијата и М23. Претходно, Обединети нации соопштија дека во изминатите 24 часа стотици луѓе побарале помош во болниците во Гома поради повреди од огнено оружје и гранати, а на улиците има мртви луѓе.
Фото: принтскрин Х
