Кандидатот за претседател на Колумбија на изборите следната година, сенаторот Мигел Урибе, беше застрелан во главниот град Богота, јавуваат светските агенции.
Според властите, нападот се смета за атентат. На видеа на социјалните мрежи се гледа како 39-годишниот политичар држи говор на митинг во западен дел од градот, кога се слушаат истрели. На други снимки Урибе лежи на земја, крвав.
У Колумбії під час мітингу прострілили голову імовірному кандидату в президенти – Мігелю Урібе.
У Боготі в оточенні юрби він давав промову, як раптом на мотоциклі під’їхав 15-річний юнак та здійснив шість пострілів у бік політика. Один з них потрапив Урібе прямо в голову.
Він… pic.twitter.com/8JOWSqmuVD
— 5 канал 🇺🇦 (@5channel) June 8, 2025
Колумбийский сенатор Мигель Урибе, вероятный кандидат в президенты от правых, который будет бороться с крайне левым президентом Густаво Петро на выборах в следующем году, был ранен выстрелом в голову во время митинга
Урибе борется за свою жизнь в больнице https://t.co/GYlN918Lq4
— ⭐️Oles Filonenko⭐️ (@FilonenkoOles) June 8, 2025
Градоначалникот на Богота, Карлос Галан, соопшти дека Урибе е пренесен во итна медицинска установа. Еден осомничен е уапсен, а според здравствените власти, сенаторот бил погоден од три куршуми, од кои два во главата. Според колумбискиот весник „Ел Тиемпо“, напаѓачот е 15-годишно момче.
Колумбискиот претседателски кандидат Мигел Урибе, кој беше застрелан во главата за време на митинг во Богота, успешно беше опериран по приемот во болница во критична состојба, соопшти градоначалникот на главниот град, Карлос Фернандо Галан.
„Мигел Урибе ја помина првата хируршка интервенција успешно“, изјави Галан, додавајќи дека 39-годишниот сенатор од Партијата на демократскиот центар влегува во „критичните часови“ на закрепнување, кои ќе бидат клучни за неговиот живот.
Полицијата уапси 15-годишен осомничен, кој испукал два куршума во главата на Урибе.
Колумбиската влада, предводена од левичарскиот блок, остро го осуди нападот, нарекувајќи го „напад врз демократијата, слободата на мислата и правото на политичко учество“.
Мигел Урибе е член на партијата Демократски центар, чиј лидер е поранешниот претседател Алваро Урибе, кој беше на власт од 2002 до 2010 година. Мигел Урибе ја објави својата кандидатура во октомври минатата година.
Пред да биде објавено дека напаѓачот е уапсен, министерот за одбрана Педро Санчес понуди награда од 700.000 долари за информации што ќе помогнат во идентификација и апсење на одговорните за нападот.
Извор: МИА
Фото; Скриншот Х
