Во посета на Собранието на Република Северна Македонија денеска и утре ќе биде делегација на Управувачката група за демократски развој на шведскиот Риксдаг.
На средбата свои обраќања ќе имаат претседавачот на Управувачката група од македонска страна Фадил Зендели и претседавачката на Управувачката група и трета потпретседателка на шведскиот Риксдаг Шестин Лундгрен.
На првата сесија посветена на борбата против корупцијата и мерките за справување ќе зборуваат Маја Морачанин од ДОМ, Гордана Сиљановска-Давкова од ВМРО-ДПМНЕ, Ќамила Хансен од Партијата на зелените.
На оваа сесија презентации ќе имаат претседателката на државната Комисија за спречување на корупцијата Билјана Ивановска и народниот правобранител Насер Зибери.
Попладневната сесија е посветена на европската интеграција на Република Северна Македонија, а воведно обраќање ќе има Александар Николоски, претседател на Националниот совет за евроинтеграции и пратеникот Јуар Форсел од Либералната партија.
Пратениците од двете собранија потоа ќе дебатираат за актуелната политичка ситуација во двата Парламенти. Воведни зборови ќе имаат пратениците Арбана Пашоли од ДУИ, Дафина Стојаноска од ВМРО-ДПМНЕ, Јесика Ветерлинг од Левица и Кенет Г. Форслунд од Социјалдемократската партија.
Во вторник е најавено обраќање на генералната секретарка на Парламентот Цветанка Иванова.
