Огромни толпи се собраа во иранската престолнина Техеран за погребната поворка на врвните ирански воени команданти, нуклеарни научници и цивили убиени во израелските воздушни напади, извести Си-ен-ен.
Толпите скандираа смрт за Израел, за Америка, но исто така и смрт за израелскиот премиер Бенјамин Нетанјаху и смрт за американскиот претседател Доналд Трамп.
Повеќето од присутните беа облечени целосно во црно, обидувајќи се да ги допрат ковчезите што беа поставени на неколку големи камиони за поворката.
Толпата, исто така, се заколна на верност на врховниот лидер на Иран, ајатолахот Али Хамнеи, скандирајќи: „О, благороден лидеру, ние сме подготвени!“
„Мојата порака до Трамп е: Ако даде Бог, ќе умрете! Затоа што го нападнавте Иран“, рече еден човек што присуствуваше. „И бидете сигурни дека народот наскоро ќе се одмазди за крвта на овие маченици со уништување на Трамп, Израел и САД.“
Кој ќе биде погребан? Погребите во саботата беа за вкупно 60 лица убиени во израелските напади, според државните медиуми, пишува Си-ен-ен.
