Денеска во Основниот суд Тетово со почеток во 10 часот се очекува да се одржи повторно судење за пожарот во модуларната болница во Тетово каде изгореа 14 пациенти, пренесе Portalb.mk.
Досега рочиштата за повторното судење беа откажани четири пати.
Предметот ќе биде повторно суден откако Апелациониот суд Гостивар го врати предметот во Основниот суд Тетово.
На 15 јануари 2025 година рочиштето беше откажано бидејќи судијата Јордан Велковски беше на боледување.
На 05.11.2024 година рочиштето беше одложено поради отсуство на судијата Јордан Велковски.
На 25.09.2024 година рочиштето не се одржа поради отсуство на адвокат на еден од обвинетите.
На 26.06.2024 година седницата беше одложена поради отсуство на претставници од Клиничката болница Тетово.
На 8 септември 2021 година, пожар избувна во модуларната болница во Тетово каде се лекуваа пациенти со Ковид-19 и со себе однесе 14 животи на пациентите, но и на членовите на семејството кои беа внатре. 14 лица беа спасени пред зградата целосно да изгори.
По првото судење во Судот во Тетово, кое заврши во јуни 2023 година, на кое на обвинителна клупа беа поранешниот медицински директор на тетовската болница и поранешниот економски директор, лекарот одговорен за „КОВИД“ центарот и тетовската болница, Апелациониот суд во Гостивар во мај 2024 година одлучи да ја врати постапката против директорите од почетокот, бидејќи беше неиздржана пресудата.
Обвинителството побара директорите да добијат построги казни, а ослободителната пресуда за докторот да се укине и предметот да се врати на повторно судење.
Дел од случајот против двајца поранешни директори на тетовската болница е вратен на повторно судење. Додека ослободителната пресуда за лекарот Бобан Вучевски ја потврди и Апелациониот суд во Гостивар.
