Српскиот претседател Александар Вучиќ во Брисел, по средбата со генералниот секретар на НАТО, Марк Руте, изјави дека Хрватска, Албанија и Косово отвориле трка во вооружување во регионот откако го прекршиле подрегионалниот договор од 1996 година со потпишување меморандум за соработка во одбраната во вторникот, јавува Бета, пренесе Цивил Медиа.
Во врска со изјавата на хрватскиот министер за одбрана Иван Анушиќ дека Хрватска може да потпише договори со кого сака и дека одамна помина времето кога го праша Белград што ќе прави, Вучиќ им рече на новинарите од Србија кои го придружуваа на патувањето дека требало да и кажат на Србија „дека ги откажале потпишаните договори и дека веќе нема подрегионална контрола на оружјето“.
„Тие отворија трка во вооружување во регионот. Тоа е тешка ситуација за нас, но ја разбравме нивната порака и ќе ја заштитиме нашата земја и секогаш успешно ќе ја браниме од секој потенцијален агресор, дури и од таков моќен“, рече Вучиќ, наведувајќи дека ова прашање го покренал на средбата со Руте.
Тој изјави дека е „речиси убеден оти НАТО не бил информиран дека Хрватска, Албанија и Косово го прекршиле подрегионалниот договор од 1996 година“ со потпишувањето на трилатералниот меморандум за одбранбена соработка.
Реакцијата на Вучиќ доаѓа по потпишувањето на трилатералниот Договор меѓу Косово, Хрватска и Албанија, со кој ќе се работи на унапредување на соработката во градењето на капацитетите на одбранбената и одбранбената индустрија, подобрување на интероперабилноста преку едукација, обука и вежби, спротивставување на хибридните закани и зајакнување на стратешката отпорност и обезбедување целосна поддршка за евроатлантските интеграции и регионалната одбрана, според Министерството за одбрана на Република Косово.
Косово, Албанија и Хрватска денеска потпишуваат договори во областа на одбраната
